Assi: Venstre/Flickr Creative Commons

Kalaallit Nunaat assigiinngisitaartoq suliffeqarfiit nunatsinneersut takutinniarpaat

Danmarkimi innuttaasut, tusagassiortut politikerillu oqallillutik Bornholmimi ukiumoortumik katerisimaarnissaat, tassa Folkemødetimik taallugu katerisimaarnissaat, ullumi aallartissaaq, nunatsiinnilu suliffeqarfiit annerit arlallit katerisimaarnermi peqataassapput.

Royal Arctic Line, Royal Greenland, Tele-Post Air Greenlandilu Folkemødetimut peqataanissartik aalajangersimavaat.. Kalaallit Nunaat assigiinngisitaartoq, pingaartumik inuussutissarsiorneq assigiinngisitaartoq, suliffeqarfiit taakku takutinniarpaat.

Suliffeqarfiit sisamat taakku Folkemødetip aallartinnerani ataatsimoorullugu aaqqissuussaqarput, oqallitsitsiniarlutik, kalaallisut nipilersortoqassalluni, assinik saqqummersitsissallutik kalaallillu sassaalliutigisinnaasaannik immikkuullarissunik aamma sassaalliisoqassalluni.

- Nunatsinnut, pingaartumillu takornariaqarnermut aningaasaleerusussinnaasunik qarmaanissaq soqutigisaraarput, taamaattumillu Kalaallit Nunaannik ilisimanninnerup tatiginninnerullu nukittuujunissaa aammalu ilisimasat pissusiviusunut eqqortuunissaat pingaaruteqarpoq. Innuttaasunik ataaatsimiititsineq tamatuma qulakkeernissaanut periarfissaavoq ataaseq, Air Greenlandip pisortaanera Jacob Nitter Sørensen, suliffeqarfiit sisamat tusagassiutinut nalunaarutaanni ilaatigut oqarpoq.

Inuit 100.000-init amerlanerusut innuttaasut Bornholmimi ulluni tulliuttuni ataatsimiitsinneqarnerannut najuunnissaat naatsorsuutigineqarpoq.
 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat