Kalaaleq Danmarkimiittoq naakkigineqakatappoq
Taanna isumaqarpoq inuit pisinnaatitaaffii pillugit ilisimatusarfiup nalunaarusiaata kalaallit Danmarkimi najugallit ingerlalluartut arlallit kukkusumik saqqummiunneqarnerannut peqqutaaqataasoq.
- Kalaaliullunga Danmarkimi najugalik qanoq ikiorneqarnissannik siunnersorneqaannavinnera assut kamannarivara, Nini Almgren-Jensen KNR-imut oqarpoq.
Kalaallit Danmarkimiittut akuunerulersitsiniarnermi siunnersuisoqatigiinni ilaanissaannik, inuiattullu ikinnerussuteqartuunissaminnik piumasaqarnissaannik immikkut ilisimasallit siunnersuinerat, bloggimik allattartup qatsutiivippaa.
Aamma atuaruk NALUNAARUSIAQ Kalaallinik Danmarkimiittunik assigiinngisitsisoqarpoq
Inuit pisinnaatitaaffii pillugit ilisimatusarfiup nalunaarusiaani nutaami kalaallit Danmarkimiittut atugaat sammineqarmata isummat assigiinngitsut saqqummeralerput.
- Isumaqarpunga nalunaarusiamik allattut nalunaarusiap oqariartuutaasa assigiinngisitaarnerannik ersersissaasussat. Kalaallit Danmarkimiittut naqissuserneqarnerannut peqataapput, nalunaarusiamimi kalaallit tamarmik atugamikkut ajornartorsiuteqarpalaartileramikkit.
Aamma atuaruk Kalaallit danskit kommuuniini peqataalersitsinissamut siunnersuisoqatigeeqalertariaqarput
Nini Almgren-Jensen isumaqarpoq nalunaarusiami kalaallit Danmarkimiittut kalaallinik Kalaallit Nunaaniittunik angajoqqaallit kisiisa aallaavigineqarnerat kukkunerusoq. Nini Almgren-Jensenimi naapertorlugu kalaallit Danmarkimi inunngortut kalaallinilli angajoqqaallit misuinermi peqataatinneqarsimasuuppata inernera allaanerussagaluarami.
- Kissaatigigaluarpara uanga aamma aperineqarnissara. Taamaalilluni oqallinneq assigiinngisitaarnerussagaluarami. Uanga naqissuserneqartutut misiginngilanga, uanga immikkoortinneqartutut misiginngilanga, Nini Almgren-Jensen oqarpoq.
Aamma atuaruk Naalagaaffeqatigiinnerup atuartitsissutigineqarnissaa danskit ministeriata kissaatigaa
Kalaaleqartoq Danmarkimi ikiortarialinnik akerlilinngilaa.
- Inuit eqimattat ikiorneranniit kalaallit tamatta inuiattut ikinnerussuteqartutut inissinnissaannut piviusut assigiinngitsorujussuupput, Nini Almgren-Jensen oqarpoq.
