Politikki Inuussutissarsiutit Ilinniarneq

GE: Eskimologimik ilinniarsinnaanerup unitsinnera ajuusaarnarpoq

Inuiaat inuit pillugit ilinniarnermik, Eskimologimik, ilinnialersinnaanermik Københavnip universitetiata ukioq manna unitsitsinera Kalaallit Nunaanni Sulisitsisut, GE-p, aamma ajuusaarutigaa.

Allattoq Charlotte Holten-Møller

januaarip 22-at 2016 17:24

Nutserisoq Jens Thorin

Issittoq aningaasaliisartut suliffeqarfiillu nunani tamalaaneertut eqqumaffigisaannik nunarsuarmiuni maanna pisoqarfioqisoq, GE-p pisortaata Brian Buus Pedersenip tikkuarpaa.

Taamaammat ilinniakkanik Eksimologitut ittunik matusineq - utaqqiisaagallartumiugaluarpalluunniit - isumaqanngitsoq Brian Buus Pedersen oqarpoq:

- Nunatsinni inuussutissarsiutinik ineriartortittsinermi nikeriarfimmiippugut, attaveqaqatiginnermi atortulersuutit angisuut, aatsitassarsiorfiit nutaat suliffissuillu allat nunanit allaniit aningaasaliinikkut aatsaat piviusunngorsinnaallutik, Brian Buus Pedersen oqarpoq.

Aamma atuaruk Issittoq pillugit ilisimatusarnerit annikillivigineqarnissaat ilisimatuut mianersoqqussutigaat

Aamma atuaruk Københavns Universitet: Ilinniartukitsumik ingerlatsineq akisuvoq

Taassuma erseqqissarpaa suliniutit tamakkua angisuut aallunnissaannut nunatsinnilu inuussutissarsiutit nutarpasissumik ineriartortiinnarnissaannut Danmarkimi ilisimatusarfiit qaffasissumillu ilinniarfiit suliaat pisariaqartut.

Aamma atuaruk Atorfilittaq: Issittoq Danmarkip nunanut allanut tunngasunut politikkianut ilaatinneqarnerusariaqarpoq

Aamma atuaruk Inuiaat inuit pillugit ukioq manna ilinnialertoqassangilaq