GA: Raajartassiissutit ikilisinneqarpata saarulliniassaagut
Royal Greenland aamma Polar Seafood saarulliit avataasiortunut 25.000 tonsit aalisagartassiissutigineqarnissaat innersuussutigaat.
Saarulliit avataasiortunit aappaagu aalisarneqannginnissaat uumassusilerisunit innersuussutigineqarpoq, tamannali sulisitsisut peqatigiiffiannit isumaqatigineqanngilaq.
Saarulleqarluartoq, sulisitsisut peqatigiiffiat erseqqissaavoq.
Aamma atuaruk Biologit: Raajat ikiliartorput
Sulisitsisut peqatigiiffianni siulittaasoq Henrik Leth oqarpoq raajanik ikinnerusunik aalisagartassiisoqarneratigut saarullinnik aalisarnissarput pilersaarutigaarput Sulisitsisut peqatigiiffianni siulittaasoq oqarpoq.
Saarulliit amerlassusiannik uumassusilerisut oqarnerat isumaqatiginngilarput, saarulliit amerliartorput uumassusilerisullu saarulleqassutsimik misissuisimanerannik uppernarsaatinik amigaateqartut isumaqarpugut, Henrik Leth oqarpoq.
- Raajat pisassiissutigineqartut ikilisinneqarnerisigut nunami suliffissat ikilisinneqartussaapput taakkununngalu taarsiullugu saarulliit nunamut tulaanneqartut tamakkiisumik suliassaqartitsisinnaapput Henrik Leth oqarpoq.
Avataani saarullittassiissutit 25.000 tonsiunissaat innersuussutigaarput, raajartassiissutillu 75.000 tonsiunissaat innersuussutigalutigu saarullittassiissutillu avataasiortunit sinerissallu qanittuini aalisartunit agguataarneqarnissaat innersuussutigalugu.
Royal Greenland raajartassiissutit ikilisinneqarnerisigut pilersaarutini aalisarnermut siunnersuisoqatigiit sisamanngorpat ataatsimiinnerisa kingorna saqqummiunniarpaat.