Frankrigimi bussit ikuallatsinneqartut
Ukioq ataaseq qaangiuppoq Frankrigimi nunasisimasut eqqissiviilliortitsimmatali.
Tassungalu atatillugu Frankrigip kujasinnerusortaani Marseille-imi bussit saassunneqarput ikuallatsinneqarlutillu. Arnaq inuusuttoq uutiterujussuarpoq.
Inuusuttut pingasut bussinut isertersimapput imerpalasumillu ikuallajasumik serpartaariarlutik innermik ikitsisimallutik.
Politiit qatserisartullu taama ilisimatitsipput.
Bussit allat illoqarfinni allani aamma ikuallatsinneqarput, ajoqusertoqaranili.
Biilit 277-it tallimanngornerup unnukkuani ikuallatsinneqarsimasut, aviisi Le Monde allappoq.
Inuit Frankrigimi nunasisimasut eqqissiviillioreersullu politiit 4000-it piareersimatinneqarput.
Inuusuttut marluk politiinit qimaatillutik ajunaareersullu eqqissiviilliornerit aallartipput.