Frankrigemi eqqissiviilliortoqarmat 400-it ikiligaapput
Arfininngornermi akerliussutsimik takutitsisoqarmat inuit 400-inik sinneqartut ikiligaapput.
Frankrigemi nunami namminermut ministeri Christophe Castaner taama nalunaaruteqarpoq.
Taanna oqarpoq, akerliussutsimik takutitsisoqarnerani, inuit 288.000-it missaanniittunit peqataaffigineqartumi inuit 14-it annertuumik ikiligaasut.
Inuk ataaseq biilinit aporneqarluni ajunaarpoq.
AAMMA ATUARUK Frankrigimi ukiukitsunik atoqateqarsimasut sakkortunerusumik pillarneqartalissasut
Aqquserngit amerlasuut assersorneqarput akerliussutsimik takutitsisut assersorniarlugit,
Frankrigimi tamarmi sumiiffinni assigiinngitsuni 2034-ni akerliussutsimik takutitsisoqarpoq.
Ikiligaasuni 409-usuni taakkunannga 28-it politiiupput qatserisartuullutillu.
- Inuit 3500-it sapaatip ullaassaata tungaanut akerliussutsimik takutitsipput, Castaner oqarpoq.
Taassuma ilanngullugu oqaluttuaraa eqqissiviilliortoqarnerani, saassussisoqarsimasoq, savinnillu kapisisoqarsimasoq, inuillu 157-it tigusarineqartut.
Akerliussutsimik takutitsisorpassuit sumiiffinni amerlasoorpassuarni kaajallattarissani, nunaannarmi aqqusinerni,
illoqarfinnullu aqqutigineqarnerpaasuni assersuipput, benzinap akitsoraluttuinnarnera naammagittaalliuutigalugu.
Præsident Emmanuel Macron aaqqissuusseqqinnikut benzinap akia qaffanniarpaa.
AAMMA ATUARUK Nutellap neqeroorutaanera Frankrigimi pisiniarfissuarni uivissutigineqartoq