Peqatigiiffik Kalaallit Meerartaat tunissuteqarfigineqartussanngortut
Arsaattartut klubbiat AaB, Alka Superligami nammineq arsaattarfimmini unamminernut isiginnariamut ataatsimut 1 koruunimik, taamatuttaarlu Spar Nord Fonden isiginnaariamut ataatsimut 1 koruunimik tunissuteqartuupput.
AAMMA ATUARUK Kappoqqummik rubinitalimmik tuniniaallutik meeqqanut aningaasanik katersuiniartut
Aningaasat katersorneqartut Region Nordjyllandimi siunertamut pitsaasumut ukiup affakkuutaartumik tunissutigineqartarput, tamatumuunalu tunisutteqarfigineqartussaq tassaavoq Foreningen Grønlandske Børn (Peqatigiiffik Kalaallit Meerartaat, aaq.).
- Hele Nordjyllands Håndsrækningip ikiuneratigut kalaallit meerartaasa ilaannik Kalaallit Nunaannut aasaanerani tammaarsimaariartitsisinnaassalluta neriuutigaarput, soorlu aamma meeqqat anginerusut ilaat ukiaanerani atuanngiffeqarnermi aamma aallartinnissaat pilersaarutigigipput, Jeppe Bülow Sørensen, Foreningen Grønlandske Børnip Aalborgimi immikkoortortaqarfiani suleqatigiinnik aqutsisoq taama oqarpoq.
Kikkut tunissuteqarfigineqassanersut Jyllandip avannaani innuttaasut taasitinnerisigut aalajangerneqarpoq.
2.500-t taasisimapput, taakkulu 37,5 procentiisa Foreningen Grønlandske Børn toqqarsimavaat.
AaB nammineq arsaattarfimmini upernaaq manna siullerpaamik ippassaq unammivoq, isiginnaariat 6.711-iupput siunertamullu pitsaasumut 14.000 koruunit siulliit taamaalillutik katersorneqarput.))
AAMMA ATUARUK Gentoftep kalaallit meerartai katersuiniutilerai