Folketingimi partiit affaasa tunngaviusumik inatsit allanngortikkusunngikkaat
![](/sites/default/files/styles/image_934x467/public/article_images/grundlov_630.jpg?itok=K17N5s_s)
DR taama allaaserisaqarpoq.
Ullumi marlunngornermi Inatsisitaarfiuvoq, tassungalu atatillugu Folketingimi danskit partiivi arfineq-marluusut aperineqarput tunngaviusumik inatsimmi suna allanngortikkusussinnaaneraat.
Danmarkimi nunaminertamik piginnittuusinnaanerup qulakkeernerunissaa Venstrep Liberal Alliancellu kissaatigaat, taamaaliornikkut inuit namminneq nunaminertamik pigisaannik kommunit arsaarinnissuteqarsinnaanerat ajornarnerulersinniarlugu. Aamma Liberal Alliance isumaqarpoq killiligaanani oqarsinnaaneq qulakkeerneqarnerusariaqartoq.
AAMMA ATUARUK Tunngaviusumik inatsit sanioqqunneqassanngilaq
Pinngortitap avatangiisillu qulakkeerneqarnissaat Tunngaviusumik inatsimmut ilanngunneqarneqartariaqartoq Alternativet isumaqarpoq, Radikale Venstrelu isumaqarpoq ilagiit aamma naalagaaffik avissaartinneqartariaqartut.
Dansk Folkepartiilli Konservative Folkepartiillu Tunngaviusumik inatsimmik allanngortitsisoqarnissaa pissutissaqarsorinngilaat.
Socialdemokraatit aamma tamanna nukingiunneqartariaqarsorinngilaat. Politikkikkulli oqaaseqartartup Nick Hækkerupip erseqqissaatigaa inatsit nutarterneqartussanngoraluarpat aalajangersakkat arlallit peerneqartariaqartut, ullutsinnut naleqqukkunnaarsimammata.
AAMMA ATUARUK Tunngaviusumik inatsiseqaraluarluni naalagaaffimmit tapiissutisiaqarsinnaasoq
DR-imulli oqaatigaa nunanut allanut tunngasunut politikkimi Folketingimit qullasinnerusoqaranilu saniatigut ingerlatsisoqarsinnaannginnera, nunanullu allanut politikkip Folketingimit sunniuteqarfigineqarnerunissaa naqissuserneqassasoq.
Tunngaviusumik inatsimmut allannguuteqartitsinissaq Thorningip naalakkersuisuisa 2011-mi pilersaarutaannut ilaavoq, aallartisarneqarsimananili. Danskillu naalakkersuisuisa naalakkersuisooqatigiinnissamik isumaqatigiissutaat naapertorlugu, tunngaviusumik inatsisip nutarterneqarnissaa ullumikkut pilersaarutigineqanngilaq.
AAMMA ATUARUK Naalagaaffiit namminersortut suleqatigiit pilersinneqarsinnaapput