Meeqqat 262-it Ukrainemi sorsunnermi maannamut toqutaasimasut
Ukrainemi sorsuttoqalerneranit ullut 100-t maanna qaangiutereerput, meeqqallu agguaqatigiissillugu marluk sinnerlugilluunniit ullut tamaasa toqutaasimallutik, allallu sisamat aqqunartitersimallutik.
Naalagaaffiit Peqatigiit meeqqat pillugit suleqatigiiffiata, Unicefip, Danmarkimi immikkoortua tusagassiutinut taama nalunaaruteqarpoq.
Meeqqat 262-t Ukrainemi sorsunnermi maannamut toqutaasimasut Naalagaaffiit Peqatigiit oqaatigaat, meeqqallu allat 415-it aqqunartitersimallutik.
Inuit najugaqarfii russinit qaartartumeerneqartartut nalunaarutigineqakkajuppoq.
Meeqqallu toqutaasimasut amerlanerpaartaat qaartartumeerinerni taakkunani toqutaasimasut, Unicef oqarpoq.
AAMMA ATUARUK Næsten hver fjerde ukrainer er flygtet eller fordrevet
Ukrainemi sakkuaakkunnaarallartoqarnissaa, Unicef Danmarkip qullersaata Susanne Dahlip sakkortuumik kaammattuutigaa, meeqqat taamaalillutik illersorneqarnerussammata.
Ruslandip Ukrainemik saassussinera pissutaalluni nunarsuarmi nunat ilaanni qimaasut aatsaat taama amerlatiginerannik ilaatigut malitseqarpoq.
Ukrainemiut 7 millioningajaat nunartik qimallugu qimaasariaqarsimapput.
Taakkunannga 2,2 millionit missaat nunaminnut utersinnaasimapput. Naalagaaffiit Peqatigiit qimaasunut qullersaqarfiata, UNHCR-ip, kisitsisaataasa tamanna takutippaa.
Qimaasut 7 millionit missaanniittut akornanni 2,2 millionit meeraasut, Unicef Danmark allappoq.