FN-imi qullersaq: Silap pissusaanik ajunaarnersuaqarneranik nalunaaruteqaritsi

Nunarsuarmi tamarmi naalagaaffiit siuttuisa silap pissusianik ajunaarnersuaqarneranik nalunaaruteqartariaqarput, silaannaallu kiatsikkiartornerata pinaveersaartinneqarnissaanut suliniutit tuaviuullugit.   

Taama erseqqitsigisumik oqariartuuteqartoq tassaavoq Naalagaaffiit Peqatigiit qullersaat Antonio Guterres Londonimi avatangiiseq pillugu ataatsimiinneq arfinngornermi ammaanersioramiuk.

Nunat 70-it naalakkersuisuisa siuttui isiginnaarutit atorlugit ataatsimeeqataanissaat naatsorsuutigineqarpoq.  

- Annilaarnartumik ajornartorsiortoqalerneranik ilumuunnginneraasoqarpa ?  
Gutteres  taama aperivoq

 Nunarsuarmi tamarmi naalakkersuisuit siuttui tamaasa kaammattorpakka nunaminni avatangiisip ajunaarnersuaqarneranik nalunaaruteqaqqullugit, silaannarmik mingutsitsisumik CO2-mik aniatitsiunnaartoqarnissaata tungaanut, Antonio Guterres oqarpoq.  

Naalagaaffiit Peqatigiit qullersaata oqarnera naapertorlugu, nunarsuarmi  coronamik tuniluuttoqarneranut atatillugu ikiorsiissutinik atuutilersitsineq iluatsillugu mingutitsinngitsunik atuilernissamut tulluartuusoq,

Taassuma erseqqissaatigaa maannakkut allanngoriartortitsineq arriippallaartoq.  

Silap pissusaa pillugu Londonimi ataatsimiinermi tuluit ministeriunerat Boris Johnson ataatsimeeqataavoq.

Boris Johnsonnip Guterres isumaqatiga, oqarmat, nunat tamarmik ikummatissanik uuliamik aamarsuarnillu atuisut taakkuninnga atuiunnaarnissaanik kaammattuuteqarnera.

- Nunarsuarmilu tamarmi suliffissanik miliuuninik pilersitsisinnaavugut  coronavirusimik tuniluunneq qaangiuppat, Boris Johnson oqarpoq.