Nioqqutissat akitsoqqinneqassangatinneqartut
Naak pisiniarfeqarfissuarni pisiniarfinnilu allani nioqqutissat piffissami kingullermi akisunerulersimagaluartut, akit suli qaffakkiartussapput.
Nioqqutissammi akiisa qaammatit tulliuttut pingasut ingerlaneranni qaffattariaqarnisssaat
suliffeqarfiiit Danmarkimi naatsorsueqqissaartarfiup oqaloqatigisimasaasa 60 procentiisa ilimagaat.
Nioqqutissat ulluinnarni pisariaqartitat, soorlu atisat, elektronikkit nerisassallu akiisa qaffaqqinnissaat naatsorsuutigineqarpoq.
Nioqqutissat qaammatit pingasut tulliuttut ingerlaneranni akikinnerulersinnissaat ilimagalugu, suliffeqarfiit apersorneqartut akornanni 1 procentiinnaasa oqaatigaat.
AAMMA ATUARUK Akit qaffapiloortut: Nukissiuutit inuussutissallu akitsupiloorput
Nioqqutissat assigiinngitsut Danmarkimi akii qaammatini kingullerni ataatsimut isigalugu qaffakkiartorsimapput, nunani tamalaani akit, pingaartumik nukissiuuteqarnermut akit qaffakkiartorsimanerat pissutaalluni taamaappoq. Nioqqutissiornermummi aningaasartuutit tamanna pillugu aamma amerliartorsimammata.
Nukissiuutinut akit qaffakkiartornerisa ilutigisaanik akinik qaffaaginnanngillat.
Danmarkimi Nukissiuuteqarnermut aqutsisoqarfiup misissuinerata takutippaa qallunaat ataatsimut isigalugu innaallagiamik, imermik kiassarnermullu aningaasartuutikinnerunissartik pillugu sipaarnerusalersimasut.
Taassuma saniatigut Danmarkip aningaasarsiorneranut isumalluartoqarpallarunnaariartoq paasineqarpoq.