Akit qaffapiloortut: Nukissiuutit inuussutissallu akitsupiloorput

Inuussutissat nukissiuutillu akitsupiloorput, akillu ukiut 40-ngajaat matuma siorna kingullermik taama qaffapiloortigipput.
- Danmarkimi innuttaasut aningaasaateqarnermikkut assut malugissavaat. Akit qaffakkaluttuinnarnerat aningaasanngoraanni ilaqutariit meerartallit inuuniarnerminni ukiumut aningaasartuutigisartagaasa 30.000 kr.-it missaanni ilanissaat naatsorsuutigineqartoq, Danmarkimi sulisartut aningaaserivianni aningaasaqarnermut pisortaq Jeppe Juul Borre oqarpoq. Assi © : KNR
Allattoq Ritzau
maajip 10-at 2022 09:20

Danmarkimi nioqqutissat akii apriilimi 6,7 procentimik qaffariarujussuarput, Danmarkimi naatsorsueqqissaartarfik taama nalunaaruteqarpoq.

Akit kingullermik ukiut 38-t 1984-imi matuma siorna qaffariarujussuarput.

Danmarkimi akit qaffakkiartorneranni innaallagiaq inuussutissat, ikummatissaq gassilu maannamut akitsornerpaapput.

- Tamanna Danmarkimi innuttaasut aningaasaateqarnermikkut assut malugissavaat. Akit qaffakkaluttuinnarnerat aningaasanngoraanni ilaqutariit meerartallit inuuniarnerminni ukiumut aningaasartuutigisartagaasa 30.000 kr.-it missaanni ilanissaat naatsorsuutigisariaqarpoq.

AAMMA ATUARUK Aningaasaqarneq pillugu siunnersuisoqatigiit: Ukrainemi sorsunneq nunatsinni ilaqutariit ulluinnaanut akisunerulersitsivoq

Danmarkimi sulisartut aningaaserivianni aningaasaqarnermut pisortaq Jeppe Juul Borre oqarpoq.

Nioqqutissat aalajangersimaneruinnaat akitsoriartormata, akitsuinerit assigiimmik eqquissanngitsut Danske Bankimi atuisut aningaasaqarnerannik ilisimasalik, Louise Aggerstrøm Hansen oqarpoq.

- Nukissiuutinik atuinermi akip, cigaretsillu akitsornerat innuttaasut ilaannut malunnarnerussaaq. Louise Aggerstrøm Hansen oqarpoq.

Akit qaffakkiartornerat Ruslandip Ukrainemut saassussineranik peqquteqarpoq, Ruslandimi maanna sutigut tamatigut niuernikkullu mattunneqarmat.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk