Assi: Visit Greenland/Mads Pihl

QIMMEQ: Filmiliat Qasigiannguani takuteqqaarneqartussanngortut

Qasigiannguani filminik tallimanik unnugu takutitseqqaartoqassaaq, filmillu tamarmik qimussertarnerup silarsuaanut tunngasuteqassallutik.

Suliniut QIMMEQ aallaavigalugu filmiliat tulleriiartut tallimat takuteqqaarneqassapput, qimussertartullu inuusuttut inuusunnginnerusullu Kalaallit Nunaanni qimussertarnerup siunissaa pillugu eqqarsaatersuutitik filmiliani ilaatigut oqaluttuarivaat.

Kalaallit Nunaanni qimmit qimuttut Issittumi amerlanerpaapput. Qimussertarnerlu ileqqutoqaavoq immikkuullarissoq, ileqqutoqarli aamma tammariartortoq. Qimmimmi qimuttut ukiut qulikkaat kingulliit ingerlaneranni affaannanngorsimapput. Suliniut QIMMEQ taama aallaaserisaqarpoq.

Suliniutip QIMMEQ-p tamanna pillugu filmit tulleriiaartut tallimat suliarisimavai, qulequtserlugulu: "Qimmit tammarpata". Filmit ilisimatuut suliaanni immikkoortuni ilaanniipput, qimuttullu timaata kingornussaanut misissuinermi, kulturikkut oqaluttuassartaani peqqissutsimullu paasissutissanik ingerlatitseqqittussaalluni.

AAMMA ATUARUK Qasigiannguani qimmeq pillugu saqqummersitsisoqartoq

Filmiliat tulleriiaartut tallimat QIMMEQ-p Facebookikkut quppernerani aamma takuneqarsinnaassapput, inuit sapinngisamik amerlasuut qimussertarneq pillugu annerusumik paasisimasaqalerniassammata:

- Pingaartissimavarput uagut filminik assiliisartuusugut tunuarluta qimussertartut Kalaallit Nunaanni ullutsinni pissutsit oqaluttuaritinnissaat. Atassuteqaatini Facebook Kalaallit Nunaanni pingaarnerpaavoq, tasuunalu inuit amerlanerpaat anguneqarsinnaallutik, filminik assiliisoq Frederik Teglhus oqarpoq.

Avannaata Qimussersua Qasigiannguani arfininngorpat aallartissaaq, taannalu iluatsillugu Kalaallit Nunaanni qimussertarneq tammariartortoq pillugu filminik Qasigiannguani takutitseqqaartoqassalluni.

Filmip When the dogs are gonep takussutissiartaa uani takuuk.

Filmiliat nittartakkami uani marsip 28-anni danskit nalunaaqutaat malillugu unnukkut qulinut Nunatsinnilu arfinermut isiginnaarneqarsinnaassapput. 

Aammattaaq Suliniutip QIMMEQ-p Facebookimi quppernerani paasissutissat kingulliit malinnaavigineqarsinnaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat