Facebookkikkut akerleriittut
![](/sites/default/files/styles/image_934x467/public/de_3.png?itok=UkcGaz8L)
Niels Thomsen aningaasatigut peqquserluttuliorsimanerarlugu siaruarterisoqartoq, Niels Thomsen Facebookkikkut tallimanngormat ualikkut allappoq.
- Pineqartoq tassaavoq HG-imi (Halibut Greenlandimi aaqq.) piginneqataalerama suliffeqarfiup aningaasaataanik atorlunga piginneqataassutinik pisisimasunga, Niels Thomsen Facebookkikkut allappoq, nangillunilu.
AAMMA ATUARUK Niels Thomsen qinigaanermini maniguuttoq - pisortaaginnassaaq
- Ersarissartariaqarpara siammarterneqartoq ilumoortortaqanngilluinnarmat, Niels Thomsen allappoq, Suleqatigiissitsisullu sinnerlugit inatsisartunut qinigaaqqammersoq, Tillie Martinussen, Polar Seafoodillu siulersuisuini siulittaasoq, Henrik Leth, siaruarterisutut taallugit.
Thomsenip taama allannera, Tillie Martinussenip tallimanngormat qisuariarfigaa.
- Ajortisaarinermut peqataasimanerarneqartunga paasinarsivoq. Suliaq suliarinnittussaasunit misissorneqaleruttorpoq. Allaaserineqartoq ilisarisinnaanngilluinnarpara, ilumoorulluinnarluguli tiguara. Allaaserineqartup misissorluaqqissaarneqannginnerani allamik oqaasissaqanngilanga, Tillie Martinnusen Facebookkikkut allappoq.
AAMMA ATUARUK Niels Thomsen siulittaasutut tunuartoq
Polar Seafoodip siulersuisuisa siulittaasuat, Henrik Leth, KNR-ip attaveqarfigaa.
Suliaq tusaasimallugu, taannalu pillugu Niels Thomsen oqaloqatigisimallugu, Henrik Leth oqarpoq.
- Tusatsiakkat, allaaserisai, arlalinnit tusaareerlugit, siaruartereqataanngilluinnartungali, oqarfigaara, Henrik Leth oqarpoq.