EU-p Issittumi politikkissani akuersissutigaa
Issittumi siunnersuisoqatigiinni EU alaatsinaattutut ilaasortanngorusulluni suli tamaviaaruteqaleruttortoq, EU-kommissionip Issittoq pillugu politikkissani 2014-imili ilusilersornialersimavaa, EU-mi nunat ilaasortaasut qanoq ilillutik niuvernerup, avatangiisit innuttaasullu pillugit inissisimassanersut.
Politikkissaq nutaaq 39-nik assigiinngitsunik pilersitsiffiusussaq, EU-mi nunat ilaasortaasut namminneq ineriartorteqqissavaat. Tassani avatangiisinut silallu pissusaa eqqarsaatigineqarput, nungusaataanngitsumik ineriartortitsineq nunallu assigiinngitsut akornanni suleqatigiinneq.
Aamma atuaruk EU issittumi aningaasaliisarsinnaasoq Danmarki isumaqarput
Aamma atuaruk Atorfilittaq: Issittoq Danmarkip nunanut allanut tunngasunut politikkianut ilaatinneqarnerusariaqarpoq
Danskit nunanut allanut tunngasunut ministeriat Kristian Jensen naapertorlugu EU'p politikkia nutaaq Issittumut pingaaruteqarpoq, tamaani eqqissisimasumik ineriartortoqarnissaa siunertaammat.
- Aammattaaq kunngeqarfimmut tamarmut pingaaruteqarpoq, EU issittormiut aaqqissuussaanerinik ataqqinnillutik kinguneqartussamik isumaliornissamut akuunissaminut, aalajangiusimallugu Issittup sakkulersorfiunnginnissaa. Ministeri ilanngullugu oqarpoq Issittumi ineriartorneq pillugu suleqatiginninneq pitsaasoq EU-mik peqateqarluni ingerlanneqarumaartoq.
Siunnersuisoqatigiit EU-parlamentillu qaammatini aggersuni Issittumi politikkissaq suliarissavaat.
