EU issittumi aningaasaliisarsinnaasoq Danmarki isumaqarput
Issittumi isumannaallisaaniarneq qanoq iliornikkut attanneqarsinnaanersoq, immikkut ilisimasallit nunanit allaneersut eqqartorpaat, Issittumilu aalaakkaasumik eqqissisimasumillu ineriartortitsisoqarnissaata EU-mit peqataaffigineqarnissaa aamma ujartorneqarluni.
Aamma atuaruk Atorfilittaq: Issittoq Danmarkip nunanut allanut tunngasunut politikkianut ilaatinneqarnerusariaqarpoq
Kristian Jensenillu eqqarsaatersuutai eqquutsinneqassagunik pingaartumik attaveqaatitigut piorsaasoqarlunilu qaammataasakkut attaveqatinik amerlanerusunik avataarsualiartitsoqartariaqarpoq, Issittumi innuttaasut suliffeqarfiillu pitsaanerusumik atugaqalersinnaaniassammata, Kristian Jensen oqarpoq.
Europami aningaaserivissuup suliniutinut aningaasaliisartup matumani periarfissaasinnaanissaa, Kristian Jensenip siunnersuutigaa.
EU-p nunarsuaq tamakkerlugu suliniutinut assigiinngitsunut iliuusissatut pilersaarutai ukioq manna juunimi saqqummersinneqassapput. EU-p Issittumi Siunnersuisoqatigiinni alaatsinaattutut inissisimalernissaa EU-p aamma kissaatigaa.
Aamma atuaruk Pisortaq: Ilisimatusartut Kalaallit Nunaanniinnerusariaqarput
Aamma atuaruk Issittoq pillugu ilisimatusarnermi iliuusissatut pilersaarusiortut