EU-p præsidentia Nunatsinnut tikeraalersoq
EU-p præsidentia, Polenimiu Donald Tusk marlunngorpat Nunatsinnukarniartoq, KNR-imit tusarparput.
Danskit ministeriunerat peqatigalugu Ilulissiassaaq, tassanilu Naalakkersuisut siulittaasuat Kim Kielsen tikeraartitsisorissallugu.
Kielsen ulapaassagunarpoq
Kim Kielsen ulloq taanna ulapaassagunarpoq, nalunaaqutaq ataatsimut politikkikkut oqalliffik Arctic Circle - Greenland Forum Nuummi ammassavaa. Tamatuma kingorna Ilulissiassaaq Donald Tuskimut Lars Løkke Rasmussenimullu qaaqqusisuussalluni.
Ataatsimiinnermi suut oqaluuserineqassanersut suli ilisimatitsissutigineqanngilaq, Tuskillu tikeraarnissaanut atatillugu pisortatigoortumik suli nalunaaruteqartoqanngilaq.
Sapaatip-akunnerata tulliani pisortatigoortumik aaqqissuussamik pisoqarnissaa Nunanut allanut pisortaqarfimmi pisortap Kai Holst Andersenip uppernarsarusunngilaa.
