Danmark aallartitaqarfimmik nutaamik Ukrainemi pilersitsisoq: Eqqisseqatigiittoqarsiisinnaanngilarput
Danmark Ukrainemut attaveqarneruniarluni Ukrainemi aallartitaqarfimmik nunap sorsuffiusup kujasissortaani illoqarfimmi Mykolajivimi pilersitsivoq.
Nunanut allanut tunngasunut ministereqarfik Ritzauimut taama paasissutissiivoq.
Allaffik nutaaq danskit Ukrainep illoqarfiisa pingaarnersaanni Kyivimi aallartitaqarfiannut atavoq.
Nunap ilaaniittunut nunallu ilaani inoqarfinni oqartussaasunut oqaloqateqarnerunissaq aallartitaqarfimmik nutaamik pilersitsinermi siunertaavoq.
Allaffik aatsaat aappaagu pisortatigoortumik ammartussaq sisamanngorpat suliaqarfiuleriissaaq.
28-nik ukiulik Franciska Kirkegaard Flugt aallartitaqarfiup allattoqarfiani siuttuussaaq. Tassani Kyivimi aallartitaqarfiup sulisuinik ikioqateqarluni illoqarfiup aallartitaqarfiusup Mykolajivip ineriartornissaanut ikorfartuissaaq.
Ukrainep præsidentiata Volodymyr Zelenskyjip kaammattuinera Danmarkip aallartitaqarfimmik ammaaneranut pissutaasoq, ministereqarfimmit tusagassiuutinut nalunaarummi allaqqavoq.
Danmark Mykolajivip sanaqqinnissaanut immikkut ittumik akisussaaffilerneqartoq tusagassiuutinut nalunaarummi allaqqavoq.
