Ritzau

Naalagaaffiup nittartagai arlallit russinit qarasaasiatigut saassunneqartut

Naalagaaffiup qarasaasianik nakkutilliisoqarfiata, Datatilsynip, nittartagaa russinit qarasaasiatigut piaaraluni artukkerneqarluni ataasinngornermi saassunneqarpoq.

Allattoq Ritzau

septembarip 12-at 2023 10:51

Nutserisoq Mads Lynge

Naalagaaffiup qarasaasianik nakkutilliisoqarfia, Det danske Datatilsyn, russit qarasaasiatigut saassussinerat pissutigalugu akunnerit 24-ngajaat iserfigineqarsinnaasimanngilaq.

Nakkutilliisoqarfiup attaveqaqatigiinnermut siunnersortaa, Anders Due, taama ilisimatitsivoq. Datatilsynip qarasaasianik pilersuisuni ataasinngornermi ualikkut attaveqarfigaa, ajornartorsiut tassani ilisimatitsissutigalugu.

- Saassussisoqarmat atortuvut ajoquserneqarput, aalaakkaasumillu ingerlatsisinnaanissaq pillugu aaqqiiniartariaqarluta, Datatilsynip pilersuisua oqartoq Anders Duep issuarpaa.

Aamma atuaruk Center for Cybersikkerhedi: Kalaallit Nunaata qarasaasiatigut saassunneqarataannaanera aarlerinaateqaqaaq

Det danske Datatilsyn kisiartaalluni eqqorneqanngilaq.

Naalagaaffiummi nittartagaasa arlallit ataasinngornermi saassussinermi aamma eqqorneqarput., dDoS-imik saassussinertut taaneqarluni.

dDoS-imik saassussisoqaraangat assersuutigalugu nittartagaq piaaraluni artukkerneqarsinnaavoq, nittartakkap serveria saassussisunit artukkerneqarsinnaalluni. Serveri taamaalisoqarnerani atorunnaarallartinneqarsinnaavoq.

Nutaarsiassami kukkunermik nassaarsimaguit uunga allaffigineqarsinnaavugut.