Jakob Ludvigsen: Enok Sandgreenip akuunnginnera ajornartorsiutaanngilaq
- Uanimi tunuartinneqarnissaa patsisissaqanngilaq, aamma isumaqarpunga pilersaaruteqartoqanngitsoq tunuartinnissaani, Jakob Ludvigsen taama oqarpoq.
Taama oqaaseqarpoq Siumup siulittaasuata qanittukkut erseqqissaatigimmagu Siumumut ilaasortaasoqarsinnaasoq imaluunniit ilaasortaanani.
AAMMA ATUARUK Ilaannakortumik Siumuusoqarsinnaanngilaq
Sandgreenip maleruagassat unioqqutinngilai
Jakob Ludvigsenip Kielsen isumaqatiginngilaa Enok Sandgreenip kommunalbestyrelsimi Siumut-gruppimiinnani aamma partiimi ilaasortaasinnaanera.
- Isumaqarpunga Kim Kielsenip oqaatsini nammineq akisussaaffigigai aamma isumaqarpunga oqaatsit imaqanngitsut atorneqartut, uani tamakkiisumik Enok ilaasortaavoq Siumumi aamma Siumup anguniagaani malittarisassaanilluunniik maleruagassanik unioqqutitsinngilaq, Qaasuitsoq Kujallermi Siumumi siulittaasoq taama oqarpoq.
AAMMA ATUARUK Qaasuitsup kujasissortaani ikinnerussuteqartut terleqqunneqarsoripput
Siumup gruppia nalorninngitsoq
Otto Jeremiassenili KNR-imut erseqqissaavoq Enok Sandgreen aamma Nikolaj Jeremiassen gruppiminni piffisangaatsiami ilungersorlutik peqataatinniarsimagaluaritik, taakkulu peqataaniarnatik aaliangersimasut.
Taamaammat arlaatigut Enok Sandgreenimut Nikolaj Jeremiassenimullu kinguneqartitsisoqartariaqartoq taassuma qularutiginngilaa.
- Uanga nammineq inuttut suu taamatut isumaqarpunga Siumuusinnaannginnamik taamatut inissisimallutik Siumoqatiminnut illuatungiuliullutik akerlilersuinissamillu isumallit, Otto Jerimiassen taama oqarpoq.
AAMMA ATUARUK Sandgreenip qaaqqusaasimannginneq tunngavilersuutigaa