Emanuel Rosing naalakkersuisoqarfimmi pisortatut atorfinittoq

Naak Emanuel Rosing Aalisarnermut Piniarnermut Naalakkersuisoqarfimmi immikkoortortami sulinermini arlaleriarluni – nalunaaruteqarani sulinngitsoortarsimagaluarluni naalakkersuisoqarfimmi pisortaagallartussanngortinneqarluni atorfimmi qaffatsinneqarpoq. Maannali naalakkersuisoqarfimmi pisortatut atorfinippoq.

Allattoq Birgitte Kjeldsen, Mads Lynge

marsip 23-at 2024 17:00

Emanuel Rosing Aalisarnermut Piniarnermullu Naalakkersuisoqarfimmi pisortaagallartoq pisortatut atorfinitsinneqassasoq Naalakkersuisut aalajangerpaat.

Naalakkersuisut tusagasssiorfinnut nalunaarummi taama allapput .

Jørgen Isak Olsen aalisarnermut piniarnermullu naalakkersuisoqarfimmi siorna septembarip ulluisa arfineq-aappaanni suliunnaarsinneqarmalli Emanuel Rosing naalakkersuisoqarfimmi pisortaagallartutut sulilerpoq.

Emanuel Rosing naalakkersuisoqarfimmi pisortaagallartutut sulilinnginnermi siornatigut immikkoortortami pisortatut 2018-imili sulivoq.

Aamma atuarukSiullermik allakkatigut mianersoqqussuteqarfigineqarpoq. Maanna naalakkersuisoqarfimmi pisortaagallartoq

Emanuel Rosingip naalakkersuisoqarfimmi immikkoortortami pisortaanermi nalaani pissusilersuutai pissutaallutik allakkatigut mianersoqqussuteqarfigineqarneranik siorna marsimi kinguneqarpoq.

Aalisarnermut Piniarnermullu Naalakkersuisoqarfimmit allagaatit KNR-ip misissorsimasai taama takussutissiipput.

Emanuel Rosing naalakkersuisoqarfiup immikkoortortaqarfiani pisortatut 2018-imili atorfeqarnermini nalunaaruteqaqqaarnani arlaleriarluni sulinngitsoortarsimasoq allakkani allassimavoq, tamannalu akuerineqaqqaarani peqanngitsutut erseqqinnerusumik oqaatigineqarsinnaavoq.

Emanuel Rosing ukiup affaata ingerlanerani nalunaaruteqaqqaarani ulluni 20-ni sulisimanngilaq.

EMANUEL ROSINGIP AKUERINEQARANI SULINNGINNERI

Ullut uku pineqarput:

2022-mi aggustip 15-ianit 17-ianut
2022-mi aggustip 22-at
2022-mi aggustip 29-anit - 31-anut
2022-mi oktobarip 10-anit - 11-anut
2022-mi oktobarip 20-anit - 21-anut
2022-mi novembarip 2-at
2022-mi novembarip 14-ianit 16-ianut
2023-mi januaarip 9-anit - 13-ianut

Allisiguk

Pissutsit "Isornarluinnartut" aamma "akuersaarneqarsinnaanngilluinnartut" aalisarnermut naalakkersuisoqarfimmi taamanikkut pisortap Jørgen Isak Olsenip oqaatigaa.

Kim Kielsen nuannaartoq

Emanuel Rosingip naalakkersuisoqarfimmi pisortatut atorfinitsinneqarnera aalisarnermut piniarnermullu naalakkersuisup Kim Kielsenip nuannaarutigaa.

Taanna tusagassiorfinnut nalunaarummi ima ilaatigut oqarpoq:

- Ukiorpassuarni aalisarnermut piniarnermullu tunngasut qanimut suleqataaffiginikuuai, taamaattumillu suleriaatsit ilisimasaqarfigilluarlugit. Pisarnermisut sulianik annertuunik naammassinnittarnini ingerlatiinnassavaa. Suleqatigiinnitta ingerlaannarnissaa nuannaarutigaara, Kim Kielsen oqarpoq.

KNR-ip Kim Kielsen Emanuel Rosingilu oqaaseqartinniarlugit attaveqarfigai iluatsinnaguli,