Dronningi nunatsinnukarniarunnaartoq
Dronningip nunatsinnut tikeraarnissaraluani Covid-19 peqqutigalugu kinguartippaa.
Corona peqqutigalugu Dronningip nunatsinnut tikeraarnissaruani aappaassaa kinguartippaa
Allattoq Mads Malik Fuglsang Holm
juulip 20-at 2021 10:41
Nutserisoq Karline Platou
Ataqqinartorsuup Dronning Margrethep nunatsinnut pisortatigoortumik tikeraarnissaraluani kinguartikkaa, taama kunngikkormiunit nalunaarutigineqarpoq.
Nunatsinni sapaatit akunnerini kingullerni covid-19-mik tuniluuttoqangaatsialernera tamatumunnga tunngaviuvoq, tamannattaaq naluneqanngitsutut angallannermut inuillu amerlasuut katersuunnerannut killilersuilernermik kinguneqarpoq.
AAMMA ATUARUK Dronningi kinguaattooreerluni Savalimmiunut tikittoq
Ataqqinartorsuaq Dronning Margrethe juulip 24-ianiit aggustip tallimaat tikillugu nunatsinni tikeraartussaagaluarpoq. Kinguartitsisoqarneranut ataqqinartorsuaq paasinnippoq, kingusinnerusukkilli tamatuma piumaarnera qilanaarinerarpaa.
