1972-imi januaarimi dronningissaq Margrethe inuusuttoq naalagaaffimmi qullersatut dronningitullu Christiansborg Slotip aneerasaartarfianit suaarutigineqarpoq.

Maanna – ukiut 52-it qaangiuttut – atuuffiup Kunngissaq Frederimmut tunniunniarlugu aalajangerpaa.

Tamanna januaarip 14-iani nunatta nalunaaqutaa naapertorlugu ullup qeqqanut nalliuttorsiutiginninnermi pissaaq.

Dronning Margrethe Kunngissaq Frederillu piffissani assigiinngitsuni nunatsinni nuannaarutigineqangaatsiartarput, taakkulu tamarmik nunatsinneeqattaarnikuupput.

Taakku arlaat imaluunniit marluutillugit naapinnikuuigit? Taamaappat tusarfigerusuppatsigit. Aamma naapinnissinnit assimik videoliamilluunniit nassitsigut.

Nassiunneqartut tamarmik atuarlugillu isiginnaassavagut, sapaatillu akunnerani matumani knr.gl-ikkut, radioaviisikkut Qanoruukkullu immaqa saqqummersittassallutigit.

Oqaluttuassannik news@knr.gl-imut nassitsigut.