Dronning nunatsinnut tikittoq
Air Greenlandip timmisartua immikkut ittumik ilaasoqarluni Ilulissanut nalunaaqutaq 12.30-p missaani tikippoq. Dronning Margrethemmi nunatsinnut aasaq tikeraarnissaralua corona pillugu pissutsinit kinguartinneqareersoq maanna tikippoq.
AAMMA ATUARUK Dronningi nunatsinnukarniarunnaartoq
Naalakkersuisut siulittaasuat, Múte B. Egede Avannaata Kommunianilu borgmesteri, Palle Jeremiassen dronningimut kisimik tikilluaqqusiartunngillat. Mittarfimmi ungalut illuatungaani inuit alapernaatsut dronningimik aamma takunnikkiartorput.
Dronningip nunarput oktobarip ulluisa arfineq-pingajuannit aqqaneq-aappaanut tikeraassavaa.
Taassuma Ilulissani Kangiata Illorsua nutaaq alakkassavaa, kaffillertuniissaaq Nuummilu nunatta katersugaasivia alakkassallugu.
Dronningip tikeraarnerani pilersaarutit uani atuarsinnaavatit.