Dronning Margrethe nunatsinnut tikeraalerpoq: Kangianiit kitaanut
Ataqqinartorsuaq Dronning Margrethe Kalaallit Nunaannut juulip ulluisa 24-annit aggustip ulluisa tallimaata tungaanut tikeraassaaq.
Kunngikkormiut tusagassiorfinnut taama nalunaaruteqarput.
Dronningip nunatsinni angalanini Tasiilamut tikeraarnermik aallarnissavaa. Kingorna taava Avannaanut tikeraassaaq, Station Nord, Pituffik Qaanaarlu tassani tikeraassallugit.
Besøgsprogram
- 24. juli: Tasiilamut ikeraarneq
- 25.-26. juli: Station Nordimut tikeraarneq
- 27. juli: Pituffimmut tikeraarneq
- 28. juli: Qaanaamut tikeraarneq
- 29. juli: Angalaneq
- 30. juli: lulissani kangiata illorsuata ammaanersiornera
- 31. juli: Angalaneq
- 1.-2. august: Nuummut tikeraarneq
- 3. august: Angalaneq
- 4. august: Qaqortumut tikeraarneq
- 5. august: Narsamut tikeraarneq
Tusarfik: Kongehuset.
Dronning Margrethe kunngikkormiut umiarsuaannut Dannebrogimut ilaalluni taava Ilulissanut, Nuummut, Qaqortumut Narsamullu aggustip aallaqqaataanit tallimaata tungaanut taava tikeraassaaq.
AAMMA ATUARUK Dronningi juulimi nunatsinniissasoq
Dannebrog Nunatsinnukarnermini Savalimmiunut aamma aqqusaassaaq.
Kunngikkormiut umiarsuaat Dannebrog coronap nunarsuaq tamakkerlugu tunillaassuutileruttornerata ajornartoortitsinerani siorna nunatsinnukarsinnaasimanngilaq.
Savalimmiunut tikeraarneq
Kunngikkormiut umiarsuarlutik ukiut 100-t sinnerlugit matuma siornatigut angalaartalerput.
Dannebrogip, Danmarkimi, Kalaallit Nunaanni Savalimminilu umiarsualiveqarfiit tamangajaasa ukiut ingerlaneranni tikittarsimavai.
Dannebrog Akullersuarmut, Caribiamut USA-llu sineriaanut piffissap ingerlanerani aamma tikeraartarsimavoq.
Dannebrog dronningip kunngikkormiullu pisortatigoortumik najugaqarfiattut saniatigut imartamik nakkutiginninnermut aamma peqataasarpopq, soorlu aamma imaani annaassiniarnernut peqatasartoq.
Sakkutuunngorniat 38-t Dannebrogimi aamma ilinniartuutigineqarsinnaapput.
