Diskolinep kujataani qeqqanilu Targanik angallassinini unitsikkallaraa

Kujataani nunattalu qeqqani sikummat Diskolinep Targat atorlugit angallassinera unitsinneqarallarpoq. Disko Line A/S-eersoq Frederik Sandgreen taama oqarpoq.

Nuummiit Narsarsuaq Qaqortorlu aqqusaarlugit Nanortallip tungaanut ingerlaartoq James Ignathiusen kinguaattoortunut ilaavoq.

Nuummiit Qeqertarsuatsiaannut angallassinerit unitsinneqarput.

Maniitsumiit Atammik Napasorlu. Taavalu aamma Kangaamiunut sikuunera pissutigalugu angallassinngilavut, Diskoline A/S-imeersoq Frederik Sandgreen oqarpoq.

Qulimiguullit angallassinissaat piareersimaffigineqartoq

Nunatta qeqqani qulimiguulimmik angallassisoqalernissaa massakkut Diskoline-imiit piareersarneqarpoq.
Kujataanilu Narsarsuup tungaanut immap sikua issunerulissagaluarpat qulimiguullit angallassinissaat piareersimaffigineqarpoq.

- Helikopterit marluupput kujataani. Taavalu Narsarsuup tungaanut sikussagaluarpat soorunami angallattut helikopterit atorlugit  ingerlanniartussaasavagut angallatit apuuffigisinnaangisaannut.

- Kujataani Targat suli Nanortallip tungaanut ingerlaarput. Taamaattumik neriuppunga ulluni qanittuni imaluunniit piffissami aggersumi ingatsikkaluttuinnasanngitsoq taammannak issinnera.