Politiit ullormut nalunaarutaat: Nuummi ukiukitsoq pinngitsaalillugu atornerlunneqartoq
Politiit aqqusinermi pinngitsaaliilluni atornerluisoqarnera pillugu arfininngornermi ualikkut nalunaaruteqarfigineqarput. Pasineqartoq ullumi kingusinnerusukkut sassartinneqassaaq.
Nuummi arfininngornermi ualikkut ukiukitsumik pinngitsaaliilluni atornerluisoqarpoq.
Allattoq Victoria Julie Schou
novembarip 16-at 2025 11:06
Nutserisoq Connie Fontain
18-it inorlugit ukiulik Nuummi aqqusinermi arfininngornermi ualikkut pinngitsaalillugu atornerlunneqarpoq.
Kalaallit Nunaanni Politiini sillimasut pisortaat, Malik Olesen paasissutissiivoq.
Pisoq ualikkut tallimat missaanni pivoq, inullu alla politiinut attaveqarluni nalunaaruteqartuuvoq.
Politiit tamatuma kingunitsianngua suliami pasineqartumik tigusarinnipput. Tigusarineqartullu eqqartuussivimmi ullumi kingusinnerusukkut sassartinneqarnissaa naatsorsuutigineqarpoq.
