NALUNAARUSIAQ Danskit isumaginninnermut ministeriat: Kalaallit Danmarkimiittut ikioqatigiittariaqarput
Danskit isumaginninnermut nunamullu namminermut ministeriata Karen Ellemannip Venstreneersup eqqasuutigaa kalaallit Danmarkimiittut danskinut naleqqiullutik naliginnaasumik ajornerujussuarmik atugaqarmata.
Tamanna SFI-p nalunaarusiaani nutaami uppernarsineqarpoq.
- Tunngaviatigut annernarpoq paasillugu kalaallit taama amerlatigisut Danmarkimi ulluinnarni inuunermut akulerulluarsinnaannginnerat. Nalunaarusiammi tamanna ersersippaa.
Imaanngilarli kalaallinut Danmarkimi inuuniarnikkut ajornartorsiortunut ministeri aningaasaleeqqinniartoq.
Akulerutitsineq pingaaruteqarpoq
Kalaallit illuutaannummi 8 millioner koruunit aningaasaliissutigineqareersimapput, tamakku kalaallinut Danmarkimut tikeqqammersunut ukiuni aggersuni ikiorsiinernut atorneqartussaapput.
- Imaanngilarmi kalaallit aningaasaliiffigineqarsimanngitsut. Paasisagut tunngavigalugit akulerulluarnissaq pingaaruteqartupilussuuvoq.
Aamma atuaruk Nikingasoqarnera Kalaallit Illuutaasa iliuuseqarfigileruttorpaat
Taassuma saniatigut Kalaallinut Danmarkimi inuuniarnikkut ajornartorsiuteqartunut suliniutip aallartinneqarsimasup aappaagu naammassippat sunniutissai utaqqimaartariaqarpavut.
- Minnerpaamilluunniimmi suliniutip sunniutai suli takunngilavut.
Aamma atuaruk Danmarkip Nunattalu peqatigiillutik kalaallit Danmarkimiittut ikiussavaat
Taarsiullugu ministerip kajumissaarutigaa kalaallit Danmarkimiittut inuunerissaarnissaminnut ikioqatigiinneroqqullugit.
- Taamaattumik tunngavissaqarpoq erseqqissassallugu qanoq pingaaruteqartigisoq kalaallit Danmarkimiittut ilisimassammassuk soorunami namminneq inuttut akisussaaqataaffigimmassuk suliniutigissallugu kalaallit Danmarkimiittut iluatsittumik inuiaqatigiinnut akulerutinneqarnissaat, ministeri oqarpoq.
