Assi: Udenrigsministeriet

Danmarkip Kinamit aningaasaliisussanut millionilikkaat atortarai

Danskit nunanut allanut tunngasunut ministereqarfiata danskit inuussutissarsiuteqarfiinut Kinamit aningaasaliisoqartinniarlugu millionilikkaat siorna atorsimagai, Aleqa Hammondimut akissummi allassimavoq. Taamaakkaluartorli Kinamiut nunatsinni aningaasaliisinnaanerat danskit naalakkersuisuisa ernummatigaat.

Naak danskit nunanut allanut tunngasunut ministereqarfiata kinamiut aningaasarpassuit atorlugit danskit suliniutaannut aningaasaliisinniartaraikinamiut suliffeqarfiutaata, China Communications Construction Companyp (CCCC) Nuummi, Ilulissani Qaqortumilu mittarfinni sanaartornissamut isumaqatigiissuteqarsinnaanera danskit naalakkersuisuisa ernumatigaat.

Nunanut allanut tunngasunut ministereqarfik Kinami immikkoortortamini ’Invest in Denmark’-imi arfineq-pingasunik sulisoqarluni, folketingimut inatsisartunullu ilaasortamut, Aleqa Hammondimut (NQ) paasissutissiivoq.

AAMMA ATUARUK Mittarfiliortiternissami suleqatissagut nammineq suli aalajangersinnaavagut

Sulisut taakku danskit Kinami sinniisoqarfiini pingasuni inissisimapput, taakku akissarsiaannut, inaannut, sammisaannut allanullu aningaasartuutit 2017-imi 5,2 millionit koruuniuput.

Tamatuma saniatigut danskit suliffeqarfiani ’Invest in Denmark’-imi Kinamit nunanillu allanit aningaasaliisussarsiortartunik arlalinnik sulisoqarpoq, taakkulu aningaasarsiaat ingerlatsinermullu aningaasartuutaat 2017-imi 11,4 millionit koruuniupput.

Naak danskit kinamiunit suleqateqarnissamut soqutiginnilluaraluartut Naalakkersuisut CCCC-p mittarfinnut pilersaarutinut soqutiginninnerat ernummatigaat, matumani nunanut allanut sillimaniarnermullu politikkimut ”kinguneqartitsisinnaasumi ”attaveqaqatigiinnerup patajasinnaanera” pineqartoq, Lars Løkke Rasmussenip erseqqissaatigaa. Qanorpiarli kinguneqarsinnaanera oqaatiginngilaa.

AAMMA ATUARUK Løkke mittarfiit pillugit itigartitsisinnaatitaasoq

Aleqa Hammondilli isumai pitsaaqisut qanoq iliorneri naleqqutinngitsuusorai. Tamananna Folketingimi maajip qaammataani uparuarpaa.

- Kinamut tunngatillugu taamatut immikkoortitsineq uagutsinnut iluaqutaanngilaq. (…) Danmarkip Kalaalliit Nunaanni suliarinnittussarsiuussinissamut akuliunnera akuerisinnaanngilara, Hammond oqarpoq.

AAMMA ATUARUK Kinamiut ernummatigisariaqanngillat

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat