Politiinit mianersoqqussut: Mattaat peqquserluutigineqarsinnaanerat eqqumaffigineqassaaq
Mattaat tuniniarneqarluarnerisa nalaanni ukiut tamaasa taamannak pisoqartarpoq.
Kalaallit Nunaanni Politiit peqquserluttuliortoqarneranik amerlasuunit nalunaarfigineqartarput, sillimasut pisortaat Hans-Peter Berthelsen oqarpoq.
- Mattannik tuniniaasoqartalingajalerpoq tamannalu peqquserluutigineqartartut amerlallutik.
Taamaattumik mattannik inuit attaveqaqatigiittarfiisigut pisisut qulakkeerinnittaqquai.
- Peqquserlullutik tuniniaasut inuit attaveqaqatigiittarfiisigut tuniniaakkajunnerusarput pisisoqaraangalli mattannik nassiussissanatik, Hans-Peter Berthelsen oqarpoq:
- Mattaat tuniniaagaalernerisa nalaanni peqquserlunnernik taamaattunik amerlasuunit nalunaarfigineqartarpugut.
Taamaattumik pisinnginnermi tuniniaasoq kinaanersoq immikkut misissorluarneqartassaaq, Hans-Peter Berthelsen oqarpoq:
- Facebookia uppernartuunersoq misissorneqassaaq, Facebookialu aamma misissorneqarsinnaalluni allat pisiniartut allassimanersut, mattammik pisiaminnik pinngitsoorsimanersut.
