Politikki Inuussutissarsiutit

Ullormusiaqartitsinermut malittarisassat allanngortinnerini kalaallit eqqugaasinnaasut

Ukiut arfineq-pingasut iluanni ukioq ataaseq sinnerlugu EU-p nunalluunniit EØS-imut ilaasut avataanniittuni najuqarsimasimagaanni, ullormusiaqarsinnaatitaaneq Folketingimi amerlanerussuteqartut atorunnaarsinniarpaat. Kalaallit Danmarkimi sulisut taamaaliortoqarnerani aamma eqqugaasinnaapput.

Allattoq Helle Nørrelund Sørensen

decembarip 06-at 2018 10:54

Nutserisoq Simon Uldum

Inuit EU-p imaluunniit nunat EØS-imut ilaasut avataanni ukiuni kingullerni arfineq-pingasuni qaammatit aqqaneq-marluk sinnerlugit najugaqarsimasut ullormusiaqarsinnaatitaajunnaarnissaat danskit naalakkersuisuinit Dansk Folkepartiimillu siunnersuutigineqarpoq.

AAMMA ATUARUK Sulisussaaleqineq siuariartornermut akornutaasoq

Nunarput EØS-imut ilaavoq, tassalu Europami aningaasarsiornikkut suleqatigiinnissamik isumaqatigiissut atsioqataaffigisimavaa. Innuttaasullu nunatsinnit Danmarkimut nuunnerminni Danmarkimi A-kassimut akiliisarunik ullormusiaqarsinnaatitaanertik pigiinnartarpaat.

Nunatsinnili innuttaasoq assersuutigalugu Amerikami, Kangiani nunavinniluunniit allani ilinniariarluni suliartorluniluunniit ukioq ataaseq sinnerlugu najugaqareerluni Danmarkimi sulilernissaanut akornutaasinnaavoq. Aamma Danmarkimi A-kassimut ingerlaavartumik akiliisarsimagaluarpalluunniit.

AAMMA ATUARUK Qujaukitsoq vil have unge i arbejde

Siunnersuutigineqartoq Danmarkimi A-kassit arlalissuarnit isornartorsiorneqarpoq.

Siunnersuut akuersissutigineqassappat 2019-imi januaarip aallaqqaataanit kingumut atuuttussangorlugu atuutilersinneqassaaq.

Ullormusiaqartitsinermut malittarisassat allanngortinnerini kalaallit eqqugaasinnaasut

Aamma atuaruk