Danmarkimi naalakkersuisunngortussat saqqummiunneqartut
Danmarkip statsministerissaa tassaavoq Mette Frederiksen, statministerinngortullu ministerinngortussat 20-t sisamanngornermi ullaakkut nalunaarutigai.
AAMMA ATUARUK Danmarkimi Socialdemokratit ikinnerussuteqarlutik naalakkersuisunngussapput
Ministerinngortut nunatsinnut pingaaruteqarsinnaasut arlaqarput.
Ministerissanik toqqaanermi nunatsinnut pingaaruteqarsinnaasoq tassaavoq, Jeppe Kofod taanna Europami inatsisartunut qinigaaqqikkaluarpoq maannali nunanut allanut tunngasunut ministerinngorluni.
Nick Hækkerup siornatigut illersornissamut peqqinnissaqarnermullu ministeriusimasoq inatsiseqarnermut ministerinngorpoq.
Nick Hækkerup nunatsinni inatsiseqarnermut tunngasunik suliaqartussanngussaaq, imaassinnaavorlu politiit isertitsivinnilu sulisut akissarsiaat pillugit eqqartuissasoq.
AAMMA ATUARUK Naalakkersuisunngortitsinermi isumaqatigiissut IA-p pitsaasutut isigigaa
Illersornissamut ministerinngortussaq nunatsinnut aamma pingaaruteqassaaq.
Trine Brahmsen Illersornissamut ministerinngorpoq, taanna siullerpaamik ministerinngorpoq, socialdemokraatilli inatsisinut tunngasunut ukiorpaalunni oqaaseqartittagaaraat.
Ministerinngortullu amerlanerit misilittagaqareerput. Ilaatigut illersornissamut aningaasaqarnermullu ministeriusimasoq Nicolai Wammen maanna aningaasaqarnermut ministerinngorpoq.
Aamma Dan Jørgensen ilaatigut aalisarnermut nunaateqarnermullu ministeriusimasoq,
silap pissusianut, pilersuinermut nukissiuteqarnermullu ministerinngorpoq.
AAMMA ATUARUK Socialdemokraatit naalakkersuisunngortitsinissamut isumaqatigiissutaat naammagisimaaraa
Ministerinngortut tassaapput:
Statsministeri, Mette Frederiksen
Aningaasaqarnermut ministeri, Nicolai Wammen
Nunanut allanut tunngasunut ministeri, Jeppe Kofod
Inatsisinik atortitsinermut ministeri, Nick Hækkerup
Isumaginninnermut aamma Nunami namminermi pissutsinut ministeri, Astrid Krag
Akileraartarnermut ministeri, Morten Bødskov
Silap pissusianut, Pilersuinermut Nukissiuteqarnermullu ministeri, Dan Jørgensen
Inuussutissaqarnermut, Aalisarnermut Naligiissitaanermut aamma Nunani avannarlerni suleqatigiinnermut ministeri, Mogens Jensen
Peqqissutsimut Utoqqarnullu sullissinermut ministeri, Magnus Heunicke
Angallannermut ministeri, Benny Engelbrecht
Ineriartortitsinikkut suleqatigiinnermut ministeri, Rasmus Prehn
Meeqqanut Ilinniartitaanermullu ministeri, Pernille Rosenkrantz-Theil
Illersornissamut ministeri, Trine Bramsen
Ilinniartitaanermut Ilisimatusarnermullu ministeri, Ane Halsboe-Jørgensen
Inuussutissarsiornermut ministeri, Simon Kollerup
Allamiunut Akuulersitsiniarnermullu ministeri, Mattias Tesfaye
Suliffissaqartitsiniarnermut ministeri, Peter Hummelgaard
Ineqarnermut ministeri, Kaare Dybvad
Avatangiisinut ministeri, Lea Wermelin
Kultureqarnermut Ilageeqarnermullu ministeri, Joy Mogensen
