Danmarkip Canadallu Tartupaluup aaqqiagiinngissutaanera aaqqiissuteqaqatigiiffiginiaraat
Nunanut allanut tunngasunut ministerip Anders Samuelsenip Canadamilu miniserip, Chrystia Freelandip, Ilulissani tamanna isumaqatigiissutigaat.
Killeqarfiliinissamik apeqqut nunat taakkua marluk qanoq iluarsissaneraat, suleqatigiititat inassuteqaasiussavaat. Tassani Tartupalummut kikkut oqartussaassanersut, imartap taassuma avannaaniittup, Lincoln Seapip nalaani aamma nunatta kitaata kujasissortaaniit Canadap tungaanut Ladrador Havimi killeqarfiliinissaq ilaavoq.
Anders Samuelsenip Tartupalummik kikkut piginnituunerannik aalajangiiniarnermi suleqatigiititaliorneq ingerlariaqqinnertut isigaa:
- Nunatta marluk suleqatigiinnerisa pitsaasup una inerneraa. Oqariartuullu Ilulissani isumaqatigiissutip anersaavaniilluinnarpoq, Anders Samuelsen naattumik oqaaseqaammini allappoq.
Nunanut allanut tunngasunut ministerit Ilulissani isumaqatigiissut 2008-meeersoq ukiunik qulinngortorsiutigalugu maanna nunatsinniipput. Danmark, Norge, Canada, USA aamma Rusland Danmarkip ilaserinnineratigut taamani isumaqatigiisuteqarput, Issittumi ajornartorsiutit FN-ip imaq pillugu malittarisassiai malillugit akersuunnertaqanngitsumik iluarsisarniarlugit.
/ritzau/
