Ministeriuneq: Danmark kingumut qiviarniaasaarpoq

Danmark Kalaallit Nunaata Danmarkillu akornanni pisimasunik paasinninniaasaarpoq.

Ministeriuneq Mette Frederiksen (S) Folketingimi naggataarutaasumik ippassaq pingasunngornermi oqallinnermi taama oqarpoq.

- Naalagaaffeqatigiinneq qiviarnagu naliliissaguma isumaqarpunga, Kalaallit Nunaata Danmarkillu oqaluttuarisaaneranni pisimasunik paasinninniaasaartugut.

Nunatta Danmarkillu akornanni ukiuni kingullerni siornatigorninngarnit aamma aaqqiagiinngittoqarnerullunilu akerleriinnerusoqartoq, taassuma aamma maluginiarsimavaa.

Og en af sagerne handler om spiralkampagnen, hvor mindst 140 grønlandske kvinder ønsker erstatning fra den danske stat.

Spiralilersuisimaneq taakkununnga ilaavoq. Kalaallimmi arnat akuersiteqqaarnagit spiralilersinneqarsimasuni 140-nit ikinnerunngitsut naalagaaffimmit taarsiiffigeqqupput.

Naalagaaffiup arnat taakku spiralilersuisimanermik qulaajaajunnaartoqartinnagu pisortatigoortumik utoqqatserfigalugillu taarsiivigisariaqaraluarai, Folketingimi ilaasortaq Inuit Ataqatigiinneersoq Aaja Chemnitz Folketingimi naggataarutaasumik ippassaq pingasunngornermi oqallinnermi oqarpoq.

Mette Frederiksenilli tamanna itinerusumik oqaaseqarfiginngilaa, imali oqarluni:

- Taamaammat oqaluttuarisaanitsinni pisimasunik nuannersunik nuanniitsunillu meeqqanut misileraataasimasunut utoqqatsernitta spiralilersuisimanermillu qulaajaasoqartussanngornerata kingunerisaanik ukkasseqatigiinnerulerulissasugut soorunami neriuutigaara.

Spiralilersuisimanermik qulaajaaneq ikinnerpaamik ukiunik marlunnik sivisussuseqassangatinneqarpoq.