Trumpip eqqartuussissorisimasaa mamarliisimasutut eqqartuussaareerluni taarsiissuteqaqquneqartoq
USA-p præsidenterisimasaata Donald Trumpip eqqartuussissuserimasaa Rudy Giuliani pigisanik 1 milliardit koruunit missaannik nalilinnik taarsiissuteqaqquneqarpoq.
Rudy Giuliani USA-mi naalagaaffimmi Georgiami qinersinermut ataatsimiititaliarsuarmi sulisunik marlunnik mamarliisimasutut siorna eqqartuussaavoqunnerluutigineqarpoq.
Qinersinermi ataatsimiititaliarsuarmi ilaasortat marluk taakkua USA-mi præsidentimut 2020-mi qinersinermi peqquserluttuliorsimasutut Giulianip pasillerpai.
Giulianili tassa taarsiissuteqassasoq, eqqartuussisoq aalajangerpoq.
New York Citymi inissiarsuarmi najugaanut piginnittuunermut uppernarsaat, aningaaserivinniittuutitat pigisallu nalillit allat taakkununnga ilaapput.
Sapaatit akunnerata ataatsip ingerlanerani taarsiissuteqaqquneqarpoq.
Rudy Giulianip pisut oqaaseqarfigerusunngilai.
Rudy Giuliani Donald Trumpip eqqartuussissuserisuatut ukiorpaalunni sulivoq. Taassuma saniatigut New York Citymi borgmesteriunikuuvoq.
