Tunillatsittut tallimat meeqqerivimmi Timmiaaqqani tunillaassuuttunut attuumassuteqarput.Assi: KNR

Corona: Tunillatsittut nutaat tallimat

Akunnerit 24-it kingulliit ingerlaneranni coronamik tunillatsissimasut tallimanik amerlipput. Tunillatsittut tamarmik Nuummiipput.

Akunnerit 24-it kingulliit ingerlaneranni coronamik tunillatsissimasut tallimanik amerlisimapput.

Tunillatsittut tallimat tamarmik Nuummiipput.

Tunillatsittut tallimat meeqqerivimmi Timmiaaqqani tunillaassuuttunut attuumassuteqarput.

Ullut siuliini pisut assigalugit, tunillatsittut kingulliit, meeqqaanut meeqqerivimmi Timmiaaqqaniittunut angajoqqaajupput qatanngutaallutillu.  

Nakorsaaneqarfik nittartakkamini taama allappoq.

Taamaalilluni Kalaallit Nunaanni coronamik tunillatsittut maannakkut 54-upput.

AAMMA ATUARUK Timmiaaqqat Narsarmiutarlu suli matoqqassasut

Coronamik tunillatsissimasut amerlanersaat Kommuneqarfik Sermersuumiipput, tassanimi 38-upput, Qeqqata Kommuniani inuit 15-it tunillatsissimapput. Avannaata Kommuniani inuk ataaseq coronamik tunillatsissimavoq.

Kommune Qeqertalimmi aamma Kommune Kujallermi Covid 19-mik maannakkut tunillatsissimasoqanngilaq.

Ullup unnuallu kingulliup ingerlanerani misissortissimasut amerlassusaat kisinneqarsinnaasimanngillat.

Nuummi meeqqerivimmi Timmiaaqqani aamma atuareernerup kingorna ornittakkami Narsarmiutami coronamik tunillatsittoqartoq ataasinngornermi ualiukkut paasineqarpoq. Taamanili taakkua matoqqatinneqarput, sulilu matoqqatinneqarallassasut, Kommuneqarfik Sermersuup nittartagaani allassimavoq.

Meeqqerivik Timmiaaqqat marlunngornermi septemberip ulluisa 14-anni siusinnerpaamik ammaqqissaaq.

Atuarfik Samuel Kleinschmidt sapaatit akunnera ataasinngulersoq qaanngiummat matuneqarpoq, atuartormi ataaseq covid-19-mik tunillatsissimasoq paasineqarpoq.

Atuartup tunillatsittup atuaqataasa angajoqqaavi tamarmik attavigineqarput. Oqartussat taama allapput.

 

Nakorsaaneqarfiup nittartagaani kisitsisit kingulliit imaapput:

 

 

 

Isummersuutit

Nunatsinni coronavirusi pillugu
killiffik

Tunillatseqqasut 126  
Ullumi tunillatsittut 35  
Siullermik kapitissimasut 40.955  
Aappassaa kapitissimasut 35.924  
Tunillanneqarsimasut 504  
Uninngasut 1  
Anersaartuuteqartitaasut 0  
Toqquteqartut 0  
corona.nun.gl-imi kisitsit takukkit  
   Nutarterneqarpoq: 
Septembarip 21-iat 12:00
 

Coronavirusimik tunillatsinissaq pinaveersaaruk