Citronen Fjord pillugu IBA-mik isumaqatigiissusiortoqarpoq
Citronen Fjordimi pisinnaatitsissummik piginnittoq Ironbark A/S Namminersorlutillu Oqartussat akornanni IBA-mik isumaqatigiissutip atsiorneqarneratigut, aatsitassarsiornermik suliniummi takkuttussami kalaallinik peqataatitsinermik siuarsaasussaq naammassillugu isumaqatiginninniutigereerlugu isumaqatigiissut atsiorneqarpoq.
Citronen Fjordi zinkeqarfiullunilu aqerloqartoq kommunit agguataarnerisa avataaniikkaluartoq, kommunit sisamaasut isumaqatigiissut iluarisimaarutigaat, Kalaallit Nunaatalu tamarmi suliniutaalersinnissaanut IBA sinaakkusiisinnaassasoq neriuutigineqarpoq.
Aamma atuaruk VIDEO Piiaavissap suliffinnik pilersitsisinnaanera neriuuteqalersitsisoq
Inuit ingerlatsinerup nalaani aatsitassarsiorfimmut attavilerneqartussat 470-it saniatigut inuit 290-it aatsitassarsiorfimmiittuassapput. Nunatsinneersunik sapinngisamik amerlanerpaanik sulisoqarnissaq anguniagaavoq, aallaqqaammullu 63-ioriarlutik amerliartuaartinneqarnissaat sulissutigineqarluni.
Aamma atuaruk Issittumi Sakkutooqarfik upalungaarsimasoqarnissaanik ujartuipput
Sulinermik ilinniarfinnik arfineq-pingasunik Ironbark A/S pilersitsissasoq illuatungeriit aamma isumaqatigiissutigaat, mekanikerinut, innaallagisserisunut, assassuutinik aqutsisunut allaffimmilu sulialinnut ilinniartunik tigusisoqarsinnaanissaa isumaqatigiissutigineqarluni.
Aamma atuaruk Zinkimik piiaanissamik isumaqatigiissummi Royaltymik akiliuteqannginnissaq amigaataavoq
Aningaasat 650 millionit koruunit missaat sanaartornerup nalaani atorneqarnissaat, 800 millionit koruunillu sinnerlugit ingerlatsinerup nalaani nioqqutissanik kiffartuussissutinillu pisiortortoqarnisssaanut atorneqarnissaat aamma naatsorsuutigineqarpoq.
Inatsisinik pisussaaffilikkatut atuinissamik akuersissut, akuersissuteqarnerillu tassunga attuumassutillit naammassineqarpata, aatsitassarsiorfimmik sanaartorneq Ironbark A/S-ip aappaagu 2017-ip ingerlanerani aallartissinnaassavaa. Namminersorlutik Oqartussat taama nalunaaruteqarput.
IBA står for Impact Benefit Agreement - og skal sikre at selskabet inddrager grønlandsk arbejdskraft og lokale virksomheder i forbindelse med anlæggelse og drift af projektet.