Canadap Kinami takornarianut nittarsaassinini unitsikkallaraa

Canadamiut nutaarsiassaqartitsiviat, CBC North taama allaaserisaqarpoq.

Canadamiut oqartussaasui Kinami Huaweip aningaasaqaarnermut pisortaanik Vancouverimi decembarip aallaqqaataanni tigusarinnereersulli Canadap Kinallu akornanni akerleriittoqalerpoq, taamaattumik canadamiut Kinami nittarsaassinertik unitsikkallarpaat.

- Aningaasaleeqatigisarput peqatigalugu Destination Canadap Kinami nittarsaassinerata unitsikkallarnissaa kinguartikkallarnissaaluunniit aalajangerparput, Emma Slieker CBC Northimut oqarpoq.

AAMMA ATUARUK Canadamiut marluk Kiinamit tigummineqartut

Canadami Northwest Territoriesimut takornarianit tikittartunit Kinamiut takornariat amerlanerpaasarput, taamaammat taakku takornariaqarnermit iluanaaruteqarnissamut pingaarnerpaallutik.

Kinamiut takornariat nunatsinnukarnissartik soqutigilluarpaat. Danskit nunanut allanut tunngasunut aqutsisoqarfiata danskillu Beijingimi aallartitaqarfiata Kinamiunut nunatsinnut tikeraarusuttunut nunamut isernissamut allagartamik sukkasuumik qinnuteqaasiorsinnaalersikkaat sapaatip akunnerata siuliani saqqummiunneqarpoq.