Canadamiut marluk Kiinamit tigummineqartut
Canadami diplomaatiusimasoq Michael Kovrig ataasinngornermi tigusarineqarpoq, tamannalu Kinamit oqaaseqartartumit, Lu Kangimit sisamanngornermi uppernarsarneqarpoq - aamma sanaartortitsisartoq Michael Spavor suliamut atatillugu misissuiffigineqarlunilu tigusarineqartoq nalunaarutigineqarpoq.
- Tigusarineqartut Kiinap sillimaniarneranut aarlerinaateqarsinnaasutut isigineqarlutik tigusarineqarput, Canadamilu aallartitaqarfik tamanna pillugu ilisimatinneqareerpoq oqaaseqartartoq oqarpoq, tigusarineqartullu pisinnaatitaaffii pillugit nassuiaanneqarsimasut oqaaseqartartup AP-mut ilanngullugu oqaatigaa.
Canada Kinalu akunnerminni najummatsinartorsioreerput, Canadamimi pisortat Kinami Huaweimi aningaasaqarnermut pisortarisaat Vancouverimi sapaatip akunnerata siuliani tigusaraat.
Tigusarineqartoq qularnaveequsiinikkut aniguereeraluarpoq februaarimili eqqartuussisoqalerpat uppernarsaasussatut najuutissaaq tamatumalu nalaani singernequteqassalluni.
