Canadami orpippassuit ikuallattut aatsaat taama annertutigisut
Canadami orpippassuit ikuallapput, orpippassuit ikuallatut aatsaat taama annertutigipput, qimagussuutsinneqartut aatsaat taama amerlatigalutik ikuallattullu qaminniarnerini aatsaat taama aningaasartuuteqartigisoqarluni. Atorfillittat taama oqartut, nutaarsiassaqartitsivik AP allappoq.
Canadami orpassuit juulip aggustillu qaammataanni ikuallakkajupput.
Orpippassuit ikuallannerannit pujoq Amerikap avanaanut annguppoq, inuillu millionilikkuutaat silaannarmik pitsaanngitsumik najuussuillutik.
Nutaarsiassaqartitsiviup AFP-p allaaserisaa naapertorlugu orpippassuit ikuallannerannit pujoq putsunut allanut sanilliullugu toqunartortaqarnerusinnaallunilu silaannarmik mingutitsisoqarneranit ulorianarnerusinnaavoq.
Putsup sanaaneqaataaneersut annikitsuaqqat aneersaartorfiit aqqutaannut pulasinnaasarnerat tamatumunnga pissutaatinneqarpoq.
Canadami orpippassuaqarfinni upernaap ingerlanerani panernersuaqarmat orpippassuit ikuallapput.
Canadami orpipassuaqarfiit 639-t ikuallapput, taakkunannga 351-it qaminniarneqarnerat aqunneqarsinaanani.
Canadami orpipassuit ikuallannerannit pujoq nunatsinnut annguppoq.
Orpippassuit ikuallunerannit pujoq, Kujataanut arfininngornermi annguppoq, sapaatillu akunnerani uani annguteqqinnissaa aarlerisaarutigineqarluni.