Borgmesterit kommunalbestyrelse-ni ilaasortaqaqatitik avaqqullugit oqalupput
Kommunit kattussuunneqarnissaata kinguartinneqarnissaanut oqallinneq ullumi nangeqqippoq.
Ilulissani borgmesterip tullersortaata Bent Broberg Kristiansen-ip IA-meersup, Borgmester Anthon Frederiksen isornartorsiorpaa, kommunalbestyrelse avaqqullugu, komuunit iluarsaaqqinnissamut pilersaarutaata kinguartinneqarnissaanik oqaaseqarnera.
Ilulissat aviisianni Iluliarmiumi Bendt Broberg Kristiansen allappoq, Ilulissani kommunalbestyrelsep tamarmiusup kommunit iluarsaaqinnissaanut pilersaarutaat piffissaliussaasorlu tapersersormagu.
Erseqqissarlugulu Borgmesterip tunngavilersuutai kommunalbestyrelseni ilaasortat ataasiakkaat oqallisigisimanngikkaat isummerfigisimanagulu.
Oqaaserineqartullu bormesterip nammineq kisimiilluni isummernerigaa.
Borgemesterip isummersimanera sapaatip akunnerini tulliuttuni kommunalbestyrelsimi oqallisigineqasaaq.
Taamatut allappoq Ilulissani borgmesterip tullersortaa, Bent Broberg Kristiansen aviisimi Iluliarmiut-mi.
