Biden: Syriap siunissaata isikkussaa ulluni aggersuni paasinarsissaaq
Syriap præsidentiata Bashar al-Assadip uppisinniarneqarnera naapertuilluarneruvoq, tamanna oqaluttuarisaanermiilissaaq, USA-p præsideæntia Joe Biden oqarpoq.
Siunissaq qanoq isikkoqassanersoq ullut aggersuni paasinarsissaaq, syriamiunullu periarfissanik nutaanik ammaassaaq, USA-p præsidentia nangilluni oqarpoq.
Præsident Bashar al-Assad Syriap innuttaanut eqqunngitsumik iliuuserisaminut akisussaatinneqartariaqartoq, Biden aamma oqarpoq.
Anguniagarli imaaliallaannaq anguneqarsinnaarpasinngilaq, Assadimi ilaqutaalu russit oqartussaasa oqarnerat naapertorlugu Ruslandimut qimaasutut nalunaarutigineqarput. Tamannali Rulsandip avataanit pisortatigoortumik suli nalunaarutigineqanngilaq.
Assadip ukiorpassuarni pissaaneqarfianik uppisitsiniaaneq ilorraap tungaanut ikaarsaarfittut nalilerlugu, Biden naqissusiivoq.
Qanoq pisoqassanersoq maannamut oqaatigiuminaappoq, uppisitsiniaasummi ilaat islamisiortuusut pinngitsunik toqoraasutut pisuutinneqarlutik USA-mi oqartussanit persarineqareerput.
