Korea Kujallermi partiip naalakkersuisoqartitsisuusup siulitaasua præsidentiminnik isornartorsiuereernermini tunuartoq
Korea Kujallermi partiip naalakkersuisoqartitsisuusup siulitaasua atorfimminiit tunuarpoq, parteeqatini- præsident Yoon- Suk- yeolip naalakkersuinermi akisussaasutut eqqartuunneqarnissaa tamanut ammasumik tapersersoreernerata kingorna.
Naalakkersuisut siulittaasuat ataasinngornermi unnukkut taama nalunaaruteqarpoq. Nutaarsiassaqartitsiviit Reuters AFP-lu taama allaaserisaqarput.
Præsidentip sapaatit akunnerisa marluk qaangiuttut sukannersumik aqutsisoqarnissaanik nalunaaruteqarnerata kingorna tamanna pivoq.
Inatsisartunut ilasortat sukannersumik aqutsisoqarnissaa atorunnaarsereeraallu taama pisoqarpoq.
Præsidentip naalakkersuinermut akisussaasutut eqqartuunneqarnissaa, Korea Kujallermi inatsisartut arfininngormat taasissutigaat.
Nunap taassuma tunngaviusumik inatsisaanut eqqartuussiviup suliaq pillugu aalajangernissaata tungaanut præsident Yoonip pissaaneqarnini taamaasilluni annaavaa.
Præsidenti uppisinneqassappat eqqartuussisut qulingiluaasut akornanni ikinnerpaamik arfinillit akuersisussaapput.
Korea Kujallermi præsidentimik kingullermik 2017-imi uppisitsisoqarpoq, taamanikkut præsidenti Park Geun-hye naalakkersuinermut akisussaasutut eqqartuussaanermi uppisitaagami.
Park Geun-hye kingorna tigusarineqarpoq, ukiunilu 25-ni parnaarussassanngortinneqarluni. Park Geun-hye kingorna saammaanneqarpoq, iperagaallunilu.
