Meeqqat Illersuisuat: Tarnikkut ajornartorsiuteqarneq ammanerusumik oqaluuserineqartariaqarpoq
Tarnikkut ajornartorsiuteqarnermi ikiorneqarnissamut saaffigineqarnissaasut pisortanit ersarissarneqarnerusariaqartut Meeqqat Illersuisuat Aviaaja Egede Lynge isumaqarpoq.
Inersimasut tarnikkut ajornartorsiuteqartarnerat pillugu paqumiginnittarnerat meeqqat inuusuttullu ikiorneqarnissaannut akimmiffiusartoq, MIO-p misissuitsinerani paasineqarpoq
- Uani misissuisitsinermi ersertorujussuuvoq, Kalaallit Nunaanni inersimasut akornanni tarnikkut ajornartorsiorneq, ilaatigut kanngusunnermik paqumiginninnermik paasinnilluannginnermillu aallaaveqarluni, meeqqat ikiorneqarnissaraluannut akimmiffissiuartoq,Meeqqat Illersuisuat Aviaaja Egede Lynge taama oqarpoq
MIO-p HS Analyse suleqatigalugu inuit 18-nik ukioqalereersimasut 713-it taamungaannaq toqqakkat ukiormanna apriilip maajillu qaammataani apersuinikkut misissuiffigai.
Misissuinermi tarnikkut ajornartorsiuteqarnermi saaffigineqarsinnaasut nalornissutigineqarnerat paasiniarneqarpoq.
Tarnikkut ajornartorsiuteqarneq inuiaqatigiinni sammineqarnerusariaqartoq Aviaaja Egede Lynge isumaqarpoq.
AAMMA ATUARUK MIO-mut saaffiginnittut amerlisut: Nunatsinni meeqqat tamakkerlugit suli ikiorsersinnaanngikkigut nassuerutigisariaqarparput
- Ukiorpassuanngortuni pisortanit timikkut peqqissuunissaq annertuumik sammineqartuaannarpoq, kisianni tarnikkut ajornartorsiuteqaruit kisianni tarnikkut ajornartorsiuteqaruit qanoq iliussavit aamma qanoq ilioruit tarnikkut peqqissuusinnaavit ? -taanna sammineqarneq ajorpoq.
Tarnikkut ajornartorsiuteqarnermi ikiorneqarnissamut ammanerusariaqartugut
misissuisitsinermi paasineqarpoq. Ajornartorsiuteqarnermi sumut saaffigiininnissaq ersarinnerusariaqartoq Meeqqat Illersuisuat Aviaaja Egede Lynge oqarpoq.
- Ersarissarneqartariaqarpoq sumi aamma qanoq ikiorsiisoqarsinnaaneranik aamma inuiaqatigiinni nalinginnaanerusumik eqqartorneqarnissaanik iliuuseqarnerit, innuttaasut peqatigalugit, taavalu aamma ikiorsiinissamut periarfissat ajornannginnerusut pulaffigiuminarnerusut pisariaqartippagut, Meeqqat Illersuisuat Aviaaja Egede Lynge taama oqarpoq.
AAMMA ATUARUK Meeqqat illersuisuat: Meeqqanut persuttaasoqartarnera ernumanartumik takussaaleraluttuinnarpoq
