Aviisi: Ilulissani HIV-mik tuniluuttoqanngilaq
Aviisi AG taama allaaserisaqarpoq.
Ilulissani inuusuttut marluk HIV-mik tunillatsissimasut decembarimi nalunaarutigineqarpoq.
Aamma atuaruk HIV-mik tunillatsissimasut inuusuttuummata nakorsaanerup ernummatigaa
- HIV-ip inuusuttut akornanni tuniluutilersinnaanera navianarnerulersippaa, Nunatsinni nakorsaaneq, Henrik Trykker tusagassiuutinut nalunaaruteqarluni taamani allappoq.
Inuusuttut marluk atoqatigisarsimasaat tamatuma kingorna misissorneqarput, HIV-millu tunillatsissimasumik ataatsimik nassaattoqaqqippoq.
Nappaalli aqunneqarsinnaanngorsimasoq, Nunatsinni nakorsaaneq oqarpoq.
- Naluara misissorneqanngitsunik amigaateqartoqarnersoq. Tamannali ilimaginngilara. Taamaammat aqussinnaalersimagipput isumaqarpunga, Henrik Trykker AG-mut oqarpoq.
Inuusuttut pingasut antiretroviralimik maanna katsorsarneqarput. Taassuminngalu katsorsarneqarnerat pissutigalugu nappaat toqussutiginissaat naatsorsuutigineqanngilaq, nappaalli ataavartussatut napaatigissagaat naatsorsuutigineqarluni.