Avaleraasartoortassiinnerit pillugit nalunaarusiaq kinguaattoortoq

Nunatsinni aqutsiveqarfiit pillugit nalunaarusiaq Inatsisartut aalisarneq pillugu ataatsimiititaliaata ujartorpaa.

Avaleraasartoorniarnermi ukioq manna pisassiissutit eqqortumik agguaanneqarsimanersut nalunaarusiami eqqartorneqarput. Tassami tusatsiarneqartarmat tamanna eqqortumik suliarineqarsimanngitsoq. Aviisi Atuagagdliutit taama allaaserisaqarpoq.

Nalunaarusiaq ukiaq septembarimili tunniunneqareersimasussaagaluartoq kinguaattoorluni tunniunneqarmat tamanna aamma isornartorsiorneqarpoq.

AAMMA ATUARUK Avaleraasartuut pillugit misissuinissaq ammanerulersitsissaaq

Soorlu ilisimaneqartutut avaleraasartoorniarnermi ukioq manna aningaasat Nunatta karsianut nakkartussat 81 millionit koruuniussasut naatsorsuutigineqaraluarput, pisarineqartulli ikippallaarneri pissutaalluni aamma avaleraasartoorniarnermi nunat allamiut umiarsuaannik attartornerup kinguneranik aningaasat nunanut allanut aniatinneqarsimassasut, Inuit Ataqatigiinnit ilimagineqarpoq.

- Avaleraasartoortassanik ukioq manna tunineqartut ilaasa aalisariutinik nunanit allanit pigineqartunit attartortut ilisimavagut, ilaatigut russit aalisariutaataat russinik inuttallit attartorneqarlutik. Tassalu tamanna pissutigalugu naatsorsuutigineqarsinnaavoq aningaasat Nunatta pissaralui nunanut allanut annissuunneqarsimassasut, Inuit Ataqatigiit aalisarneq pillugu oqaaseqartartuat, Ane Hansen AG-mut oqarpoq.

Taanna aamma isumaqarpoq avaleraasartoorniarneq misileraanertut ingerlaannarsimasuuppat ajornartorsiutit annikinnerusimassagaluartut.

AAMMA ATUARUK Avaleraasartoortassiinerit misissoqqissaarniarneqalerput

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat