Atassut nutaamik qinerseqqusipput

Atassutip Naalakkersuisooqatigisimasaminnut Siumumut partiinullu allanut aatsaat Inatsisartunut qinersisoqareernerata kingorna oqaloqatigiinnerit ingerlateqqilissallugit nalunaarpoq.

 

Ullaaq manna Atassut Naalakkersuisooqatigiinnermit tunuarpoq Naalakkersuisuutitaalu taamaalillutik Naalakkersuisutut tunuarlutik, tusagassiutinut nalunaarutaat siulittaasuannit Knud Kristiansenimit Steen Lyngemillu atsiorneqarpoq.

 

Nalunaarumminni allapput inuiaqatigiit toqqissisimanerat utertittariaqartoq, inuiaqatigiillu qinikkanut tatiginninnerat qinersinikkut aatsaat pilerseqqinneqarsinnaasoq. Tusagassiortunilli nalunaaqutaq qulinut katersortitsinermi Knud Kristiansen taama ersaritsigisumik oqaaseqanngilaq.

 

Ualilaartorli nalunaaqutaq pingasut qeqqanut Atassummik nutaamik nalunaarummik pivugut, qulequtsersimasaat Atassutip Naalakkersuisooqatigiit qimappai.

 

- Taamaalilluta uppernassassavarput Naalakkersuisooqatigisimasatsinnut Siumumut partiinullu allanut matuma kingorna oqaloqatigiinnerit peqqissanngimmata, aatsaallu oqaloqatigiinnerit ingerlateqqilissagatsigit Inatsisartunut qinersoqareernerata kingorna.

Aamma atuaruk Atassut naalakkersuisooqatigiinnit tunuarpoq

- ATASSUT-mut pingaaruteqarluinnarpoq inuiaqatigiit naalakkersuinikkut siuttuminnut tatiginnissasut, aammalu tatiginninneq tamanna qinikkanit innuttaasunut utertitsiffigineqassasoq tatiginassutsimik, inatsisitigut toqqammavilimmik aammalu aalajaatsumik qinikkat tungaannit ingerlatsisoqarneratigut. Taamaammat ATASSUT-mit takorusunnerusimagaluarparput Kukkunersiuinermut Ataatsimiititaliap misissuisitsinerata naammassinera, tamatumalu kingorna aatsaat ATASSUT naalakkersuisooqatigiinnut tunuliaqutaaginnassanersoq imaluunniit Naalakkersuisooqatigiit qimanneqassanersut aalajangissalluta.

Aamma atuaruk Atassutip isumaa allanngortoq

- Taamaattorli pisut tunngavigalugit nunatsinni naalakkersuinikkut ingerlatsinermut tunngatillugu maannakkut ersarissumik maannangaaq nalunaaruteqarnissarput toqqarparput. Soorunami Siumut qutsavigissavarput manna tikillugu suleqatigiilluarsimanerput pillugu, ajuusaarpugullu suliniutigisarput ”nuna ataasiusoq – Inuiaat ataatsimoortut” qinigaaffik tamakkerlugu suliarisinnaajunnaaratsigu.

 

- Tamanna tunngavigalugu Naalakkersuisut Siulittaasuat matumuuna kaammattussavarput Inatsisartunut qinersinissaq suaarutigeqqullugu taamatuttaaq ATASSUT-mit qinigaajumaartussat kaammattussavagut siunissamut isigisumik qulaajassagaat nunatta karsiata aningaasaataasa ingerlanneqarnerat pillugu inatsisitigut toqqammavigineqartut naammannersut iluarsisassartaqassappatalu tamanna isumannaarneqaqqullugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat