Atassutip isumaa allanngortoq
Malittarisassaq pineqartoq Naalakkersuisunut atuutinngilaq atorfilinnulli atuulluni Knud Kristiansen oqarpoq.
- Kukkunersiusarfiup Deloittep innersuussaa malittarisassaq atorfilittanut atuuppoq aamma maleruagassami innersuunneqartumi allassimavoq Naalakkersuisunut immikkut malittarisassaqartoq taannalu uagut taanna aallaavigivarput, Knud Kristiansen oqarpoq.
Ilisimatitsissut naammanngitsoq
Kukkunersuisarfiup Deloittep inatsisinik unioqqutitsisoqarsimasoq naqissuserpaa tamanna allakkiami inatsisartut kukkunersuinermut ataatsimiiititaliamut nassiussimasaani KNR-imit pissarsiarineqarsimasumi atuarneqarsinnaavoq.
Taamaakkaluartoq ippassaq Siumut Atassutillu naalakkersuisooqatigiinnerminni aalajangiusimavaat Kukkunersuinermut ataatsimiititaliap nalunaarusiornissaa utaqqineqassasoq.
- Taanna qularnaartariaqarpoq taamaattumik kukkunersiunermut ataatsimiititaliap sulinera utaqqivarput allannguutissanik uani takusaqannginnatta, isummatsinnik imaluunniit naliliinissatsinnut allannguisinnaasumik, Atassutip siullittaasortaava Knud Kristiansen oqarpoq.
Ullormiit ullormut allatut isumaqalertoq
Atassutilli siulittaasortaavata isumaa ullumi allaanerulerpoq, tusagassiortunik aggeraanermi ima oqarami:
- Qinikkat tamarmik aamma Naalakkersuisut naalakkersuisunngorumaartussallu sumi inissisimaneq apeqqutaatinnagu malittarisassat ersarissuunisssat tutsuiginartuunissaat tamatta akisussaaffigaarput, malittarisassat marluk pingasut ataatsikkut atorneqaratik, Knud Kristiansen oqarpoq.
