Aalisarnermut Piniarnermullu Naalakkersuisoq Nikkulaat Jeremiassen Assi: KNR

Aalisarnermut Inatsit Ataatsimiititaliarsuaq ukiup affaa sulissaaq

Aalisarnermut ataatsimiititaliarsuassaq sivikinnerpaamik ukiup affaani sulissaaq. Aalisarnermut naalakkersuisutut ivertinneqaqqammersoq, Nikkulaat Jeremiassen tama oqarpoq.

Naalakkersuisut siulittaasuata oqarnera naapertorlugu, aalisarnermut ataatsimiititaliarsuup aalisarnermut inuussutissarsiuteqarneq tamaat qulaajassavaa.

Aalisarnermut ataatsimiititaliarsuup piffissaq pisariaqartitani atussagaa, naalakkersuisoq oqarpoq.

- Una malugalugu, siusinnerpaamik inatsisartut upernaakkut 2019-mi ataatsimiinneranni naammassineqarsimanissaa siunniunneqarpoq,  kisianni una malugisariaqarpoq, siusinnerpaamik apeqqutaalluni aalisarnermut ataatsimiititaliarsuarmi qanoq naammassisaqartoqarnersoq,  Nikkulaat Jeremiassen oqarpoq.

AAMMA ATUARUK Aalisarnermut ataatsimiititaliarsuaq nersoraat

Aalisarnermut ataatsimiititliarsuarmik pilersitsinissaq pisariaqarsimasoq, taanna naalakkersuisoqatigiinnik Siumukkunnit siuttuuffigineqartumi siusinnersukkut qaammatini tallimani  Aalisarnermut Naalakkersuisuusoq oqaluttuarpoq,  

Naalakkersuisoqatigiit maanna allanngorput,  aamma ikinnerussuteqarluni naalakkersuisuutitaqarneq nutaajuuvoq,  aammalu tunuliaquttat  eqqarsaatigalugit,  tassani oqartussaaqatigiinneq pingaaruteqartorujussuuvoq  nukittuumik ingerlariaqqittoqassappat, Jeremiassen oqarpoq.

Nutaamik aalisarnermut inatsisiliornissaq ukiorpassuarni sulissutigineqarpoq. 

Inatsisissatut siunnersuut siorna ukiakkut ataatsimiinnerminni siullermeerpaat. 

AAMMA ATUARUK Aalisarneq pillugu inatsit ilannguneqassanersoq suli aalajangiiffigineqanngilaq

Siunnerluulli akerlerineqaqaaq.

Assersuutigalugu avataasiorlutik aalisartunit, taakkuami pisassiissutinik annaasaqarnissamik ernumassuteqarput, koruuninillu milliardilinnik taarsiffigineqaqqullutik eqqartuussivilersuussinissamik siorasaaruteqarput.

Taamaalineranili inatsisartunut qinersisoqarpoq, inatsisiliornerlu unippoq.

Inatsit naapertorlugu raajartassat sinerissap qanittuani avataasiorlunilu aalisartunik agguataarneqartarput, avataasiorlutik aalisartut raajartassiissutit 57 procentii pisassaralugit sinerissallu qanittuani aalisartut 43 procentii pisassaralugit.

Nikkulaat Jeremiassenilli kissaata malinneqarpat, sinerissap qanittuani aalisartut aamma avataasiorlutik aalisartut assigiimmik raajartassinneqartalissapput. 

- Isumaqarpunga tamanna saneqqunneqarsinnaanngitsoq, taamatut inatsisartut aalajangernikuupput,  taamatut inissisimasoqassasoq, aamma ilisimavarput teknikkikkut taamatut inissisimasoqareersoq.  

Aalisarnermut naalakkersuisoq Nikkulaat Jeremiassen taama oqarpoq. 

Ataatsimiititaliarsuarmi kikkut ilaasortanngussanersut suli aalajangerneqanngilaq. 

AAMMA ATUARUK Jensenip aalisarnermut inatsit oqallisaaqisoq naammassisussaassagaa

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat