Ataatsimiititaliap qilalukkanik qernertanik Tunumi pisasseeqqittoqassanersoq isummerfigeqqugaa

Tunumi immikkut pisasseeqqinnissamik apeqqut piaartumik paasinarsiseqqullugu Naalakkersuisut ataatsimiititaliamit sakkortuumik kaammattorneqarput, taamaalillutik aalisartut piniartullu nalorniunnaaqqullugit - pisariaqartippaammi, Aalisarnermut, Piniarnermut Nunalerinermullu Ataatsimiititaliap Siulittaasua, Siumumeersoq, Henrik Fleischer taama allappoq.

AAMMA ATUARUK Qilalugartassiissutit amerlineqarnerat Pinngortitaleriffiup akerleraa

Nalliuttut qanilliartorput, taamaattumillu aalisartut piniartullu minnerunngitsumik Tasiilameersut namminneq misigisatik atukkatillu pillugit ataatsimiititaliamut saaffiginnittut ataatsimiititaliamit isumakulunnartinneqarput, ilarpassuimi decembarip qaammataani isertitaqaatigisinnaasaminnik periarfissaqannginnerat maluginiaqquneqarpoq.

Aalisartut piniartullu ilisimasaannik uppernarsaasersuineq Pinngortitaleriffik suleqatigalugu nukittorsarneqaqqullugu ataatsimiititaliap aamma kaammattuutigaa.

AAMMA ATUARUK Qeqertarsuup Tunuanut Qimusseriarsuarmullu qilalugartassiissutit ilaneqarput

AAMMA ATUARUK Qilalukkanik qernertanik pisassiissutit ilaqqugaat